Яковлев Петр Ионович

Бикипиэдьийэ диэн сиртэн ылыллыбыт
Петр Ионович Яковлев
Үлэтэ:

ыанньыксыт

Төрөөбүт күнэ:

22 олунньу 1921({{padleft:1921|4|0}}-{{padleft:2|2|0}}-{{padleft:22|2|0}})

Төрөөбүт сирэ:

Дьыбардаах, Амма-Наахара нэһилиэгэ, Амма улууһа, Саха губернията

Дойдута:

Россия империятаFlag of Russia.svg Россия империятаССРСFlag of the Soviet Union.svg ССРС

Өлбүт күнэ:

1978({{padleft:1978|4|0}})

Наҕараадалара:
Социалистическай Үлэ Геройа  — 1976
Ленин уордьана  — 1971 Ленин уордьана  — 1973 Ленин уордьана  — 1976 «Бочуот Бэлиэтэ» уордьан
«Хорсунун иһин» мэтээл — 1942

Яковлев Петр Ионович (22.02.1921—1978) — биллиилээх ыанньыксыт, Социалистическай Үлэ Геройа (1976).

Олоҕун олуктара[уларыт | биики-тиэкиһи уларытыы]

1921 сыллаахха олунньу 22 күнүгэр Амма улууһугар Амма-Наахара нэһилиэгэр Дьыбардаах диэн сиргэ төрөөбүт.
1940 сыллаахха Дьокуускайдааҕы педтехникумҥа үөрэнэ киирбит, үөрэнэр кэмигэр Саха драмтеатрын театральнай мастерскойугар дьарыктаммыт.
Сэрии саҕаламмытыгар, техникум бастакы куурсун бүтүүтэ, Кыһыл Аармыйа кэккэтигэр ыҥырыллыбыт.
1944 сыллаахха, ыараханнык бааһыран, сэрииттэн эргиллибит.
Амма-Наахара сэттэ кылаастаах оскуолатыгар физкультура учууталынан үлэлээбит.
1955 сыллаахха Дьокуускайдааҕы педучилищены кэтэхтэн үөрэнэн бүтэрэн, 16 сыл учууталлаабыт.
П. И. Яковлев, бастакынан Валентина Гаганова саҕалааһынын өйөөн, 1960 сыллаахха тыа сиригэр үлэлииргэ соруммут. Бастаан үс сыл фермаҕа биригэдьиирдээбит, ол кэннэ 1963 сыллаахха ыанньыксыт буолбут.
1968 сыллаахха, Яковлев көҕүлээһининэн уонна кини салайааччылаах, «Эдэр саас» комсомольскай эдэр ыччат фермата тэриллибит. Ферма үлэһиттэрэ биир ыанар ынахтан сылга, ортотунан, 2000 кг үрдүк үүт ыанылларын ситиспиттэр.
П. И. Яковлев Саха Сирин усулуобуйатыгар биир бастакынан үрдүк көрдөрүүлэри — сылга 5,5 тыһ. кг үүт — ыаныытын ситиспит.

ССРС Үрдүкү Сүбэтин Президиумун 1976 сыл ахсынньы 23 күнүнээҕи Ыйааҕынан Петр Ионович Яковлевка Социалистическай Үлэ Геройун аата иҥэриллибитэ.

Биллиилээх ыанньыксыт Саха АССР Үрдүкү Сүбэтин депутатынан үстэ талылла сылдьыбыт.

Наҕараадалара уонна ытык ааттара[уларыт | биики-тиэкиһи уларытыы]

  • Социалистическай Үлэ Геройа (1976)
  • Ленин уордьаннара (1971, 1973, 1976)
  • «Хорсунун иһин» мэтээл (1942)[1]
  • «Туйгун разведчик» Бэлиэ
  • «Бочуот Бэлиэтэ» уордьан
  • ССРС ВДНХ үс көмүс уонна боруонса мэтээллэрэ
  • Саха АССР норуотун хаһаайыстыбатын үтүөлээх үлэһитэ
  • Амма улууһун ытык киһитэ[2]

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]

  • Владимир Пестерев. История Якутии в лицах. — Якутск: «Бичик», 2001.