Эфраим бииһэ
Эфраим бииһэ (ивр. שֵׁבֶט אֶפְרַיִם) диэн биир Ыһыраайыл бииһэ. Дьуоһуп кыра уолуттан Эфраимтан төрүттээхтэр. Манасия бииһин кытта Дьуоһуп дьиэтэ буолаллар. Биир сүппүт биис буолар.
Ханаан сирин үллэстиитигэр Эфраим бииһэ орто ордук баай быйаҥ сири ылбыта. Бу сир дьураата Иордан өрүстэн Сир ортотунааҕы байҕалга дылы сытара, Иерусалимтан хоту. Эфраимнар дохсун күүстээх биис буоланнар Иуда бииһин кытта атааннаһаллара, бэрт былдьаһаллара, туспа буола сатыыллара. Эфраим бииһэ Ыһыраайыл историятыгар уонна бүтүн дьылҕатыгар улахан суолталаах. Моисей кэннинээҕи дьэбэриэйдэр аҕа баһылыктара Дьүөһүйэ Эфраим удьуора этэ. Улуу көрбүөччү уонна дьүүлдьүт Самуил эмиэ Эфраим удьуора буолар. Соломон хаан өлбүтүн кэннэ кини илэ икки хаанылыкка хайдыбытыгар саҥа тэриллибит Хоту Ыһыраайыл хаанылыгар эфраимнар ордук улахан биилик күүстэммиттэрэ. Кинилэр бэйэлэрин киһилэрин Иеробоамы хаанынан талбыттара, хаанылык киининэн Самария хототун анаабыттара.