Эренер Сертаб

Бикипиэдьийэ диэн сиртэн ылыллыбыт

Сертаб Эренер (туур. Sertab Erener; 1964 сыллаахха ахсынньы 4 күнүгэр Стамбул куоракка төрөөбүтэ) — турок омугун аан дойдуга аатырбыт, биир саамай биллэр уонна ситиһиилээх поп ырыаһыта дьахтар. 1964 сыллаахха ахсынньы 4 күнүгэр Турция Стамбул куоратыгар төрөөбүт. 2003 сыллаахха Евровидение аан дойдутааҕы куонкуруһугар «Everyway That I Can» диэн ааттаах ырыанан бастакы миэстэни ылары ситиспитэ.

Карьерата[уларыт | биики-тиэкиһи уларытыы]

Сертаб Эренер эстрадаҕа саҥа тахсарын, аата суола киэҥ эйгэҕэ саҥардыы биллэрин саҕана эмиэ турок омугун биллэр ырыаһыта, ырыа айааччыта Сезен Аксуга киирэн үлэлээбитэ. Сербет аан бастакы ырыаларын «Sakin Ol» диэн ааттаах альбомун 1992 сыллаахха таһаарбыта. Ол кэннэ эмиэ хас даҕаны ырыа альбомун турок тыланан утуу субуу таһаарбыта. Ол түмүгэр Сертаб Эренер турцияҕа эрэ буолбакка, бүтүн аан дойдуга биллэн көстөн барбыта.

Муусука эйгэтигэр саамай улахан ситиһиитэ Сертаб Эренер Европа дойдуларын ортотугар ыытыллар «Евровидение» күрэҕэр кыайбытын кэннэ кэлбитэ. Ситиһиитин ухханыгар, «Everyway That I Can» ырыата Европа дойдуларын биир бастыҥ ырыата буолан аатыра сылдьар кэмигэр, Сертаб Эренер 2004 сыллаахха англия тылынан «No Boundaries» диэн ырыа альбомун таһаарбыта.

2005 сыллаахха Сертаб Эренер «Congratulations» диэн «Евровидения» төрүттэммитэ 50 сылын бэлиэтиир тэлэбиисэринэн шоуга кыттыбыта. Кини айан ыллаабыт ырыата «Евровидение» устуоруйатыгар ылламмыт саамай бастыҥ 15 ырыатын испииһэгэр 9-с ырыанан киирбитэ. 2007 сыллаахха Сертеб Эренер биир саамай баай ис хоһоонноох репертуардаах альбому таһаарбыта. Ол альбом иһигэр аангылыйа, испания уонна грек тылларынан композициялар, ону таһынан Руслананы, Хосе Каррераһы, Рики Мартины кытта дуэттар киирбиттэрэ.

Дискографията[уларыт | биики-тиэкиһи уларытыы]

Устуудьуйа альбомнара[уларыт | биики-тиэкиһи уларытыы]

  • Sakin Ol! (1992)
  • Lâ'l (1994)
  • Sertab Gibi (1997)
  • Sertab Erener (1999)
  • Turuncu (2001)
  • No Boundaries (2004)
  • Aşk Ölmez (2005)
  • Painted On Water (совместно с Демиром Демирканом, 2009)
  • Rengârenk (2010)
  • Sade (2013)
  • Kırık Kalpler Albümü (2016)

Сигэлэр[уларыт | биики-тиэкиһи уларытыы]