Эдьигээн улууһун гербэтэ

	Эдьигээн улууһун дьаралыга
Сиһилии
Олохтоммут күнэ-дьыла	2005 сыл балаҕан ыйын 14
ГГР №	2021
Дьаралык ааптара	Матвеев А. М.
Компьютернай; дизайн	Матвеев А. М.

Саха Өрөспүүбүлүкэтин "Эдьигээн улууһа" олохтоох тэриллии гербэтэ — бу олохтоох тэриллии биир дьоһун бэлиэтэ буолар. Герб «Эдьигээн улууһа» олохтоох тэриллии улуустааҕы Мунньах 2005 сыл балаҕан ыйын 14 күнүнээҕи 112 №-дээх Быһаарыытынан бигэргэтиллибит. Российскай Федерация Гударственнай геральдическай регистрын тиһигэр 2021 №-нэн бэлиэтэммит.

Дьүһүнэ

Дьаралык төгүрүк быһыылаах щит, от күөх хонуутун ортотугар уҥа диэки хайыспыт киис турар. Герб алын өттө халлаан күөх өҥнөөх долгуннуу быһыылаах, синньигэс үрүҥ көмүс тулалааһыннаах уһуктаах; хонуутугар икки үрүҥ көмүс хатыыс утарыта ойууламмыттар.
Дьаралык баһыгар (үөһээ өттүнэн) сэттэ саха аламай таастара (муннуктарыгар туруоруллубут түөрт тэҥ өрүттээх эттиктэр, хас биирдии эттик алта өлүүгэ араарыллыбыт: кириэстии уонна икки бэйэ-бэйэлэригэр тиксэр туһааннар) кустуктуу иэҕиллэн ууруллубуттар.^[1]

Ытык бэлиэ олоҕо

Щит от күөх хонуутугар турар киис — өй-санаа күүһүн, сымсатын кэрэһилиир.
Хатыыстар — күндү балык буолаллар, Сибиир биир аатырбыт улуу Өлүөнэ эбэтин ураты баайын көрдөрөллөр, урукку Саха уобалаһын Жиганскай куоратын 1790 сыллаахха бигэргэммит гербэтигэр ойууламмыттаахтар.
Сэттэ аламай таастар Саха Сирин гербэтигэр баар аламай таастарга дьүөрэлии ууруллубуттара, Эдьигээн улууһун сирэ-уота Саха Өрөспүүбүлүкэтигэр киирэрин көрдөрөр.^[1]