Ыччат сатабылын аан дойдутааҕы күнэ
Ыччат сатабылын аан дойдутааҕы күнэ (ааҥл. World Youth Skills Day, нууч. Всемирный день навыков молодежи) — Холбоһуктаах Наассыйалар тэрилтэлэрэ эдэр дьон дьоһуннаах үлэлээх уонна урбаанньыттыыр кыахтаах буолалларыгар сатабылларга үөрэниилэрэ улахан суолталааҕын кэрэһилээн бу күнү от ыйын 15 күнүгэр бэлиэтиир, 2014 сыллаахтан бэлиэтэнэр[1].
"Аан дойду ыарахан идэтийии кириисиһин көрсөр олорор. Оннук аан дойду үрдүнэн 4 эдэр киһиттэн 1 эрэ киһитэ үлэ буларга уонна сөптөөх олоҕу оҥосторго туһалаах идэни ылар. Бу ыччаты үгүстүк сөбө суох усулуобуйаҕа олорорго күһэйэр, дьадаҥы буолууга тириэрдэр. Биһиги бу балаһыанньаны уларытар уонна ыччакка толору кыахтаах кэскили хааччыйар кыахтаахпыт", — дэнэр бу күҥҥэ анаммыт матырыйаалларга ХНТ саайтыгар.
Сыллааҕы ыҥырыылара
[уларыт | биики-тиэкиһи уларытыы]- 2024 сыллааҕы ыҥырыыта: Ыччат сатабыллара эйэни тутууга уонна сайдыыга. Ыччат эйэни тутууга уонна иирсээннэри суох гыныыга улахан суолталааҕын бэлиэтиир. Аан дойду билигин элбэх кыһалҕалары көрсөр, олор ыччаты эмиэ таарыйаллар.
- 2023 сыллааҕы ыҥырыыта: Кэскили уларытарга учууталлары, уһуйааччылары уонна ыччаты бэлэмниэх![2]
Эбии көр
[уларыт | биики-тиэкиһи уларытыы]Ыччат аан дойдутааҕы күнэ (атырдьах ыйын 12)