Ырытыы:Эрилик Эристиин

Семен Степанович – Эрилик Эристиин норуот суруйааччыта. 1892 с. тохсунньу 24 кунугэр Боотур Уус улууһугар Чакыр нэһилиэгэр(билиҥиннэн Чурапчы улууһугар) төрөөбүтэ. Сэбиэскэй былааһы олохтуурга бары күүһүн биэрэн үлэлээбитэ. 1922 с. Дьокуускай куорат милициятын начальнигынан, 1926 с. Чакыр Нассоветын бэрэсэдээтилинэн, 1929 с. Райисполкуом бэрэсэдээтилинэн үлэлээбитэ. Гражданскай сэрии кэмигэр- кыһыл партизан. Семен Степанович, Степан уонна Елена Яковлевтар дьиэ кэргэннэригэр иккис уолунан кун сирин көрбүт. Эрилик Эристиин убайа Гаврил Яковлев (Улахан Хабырыыс), Чакырга сир депутаатынан үлэлээбитэ, Дьокуускай куораты «уруннэртэн» босхолоспута. Эдэр сааһыгар өлбүтэ. Кыра бырааттара Гаврил Яковлев (Кыра Хабырыыс) 1920 с. Нэһилиэк Ревкуомун бэрэсэдэтилинэн үлэлээбитэ. 1922 с.Тохсунньу ыйыгар «үрүннэргэ» түбэһэн муҥнанан өлбүтэ. Кини онно 29 эрэ саастаа5а. Кинилэр ийэлэрин Елена Яковлеваны уонна Яковлевтар аймахтарын 1922 с. «Чурапчы колотушкатыгар» муҥнаан өлөрбүттэр. Бу ини-бии Яковлевтар Улахан Хабырыыс, Эрилик Эристиин, Кыра Хабырыыс. Сэбиэскэй былаас олохтооһунугар сункэн кылаат киллэрбиттэр. Эрилик Эристиин төрөөбут дойдутугар Чакырга, киниэхэ аналлаах музей-дьиэ арыллыбыта. Чакыр орто оскуолатыгар кини аата инэриллибит.