Ырытыы:Вино
Арыгы диэн ааттыыр ордук этэ. Саха тылыгар кыһыл уонна үрүҥ арыгы диэн былыр-былыргыттан баар өйдөбүллэр. Вино диэн "куоратымсыйбыт" дьахталлар ааттыылларын истэр этим. Биллэн турар арыгы араастаах. Ону ааптар сороҕун арыгы (кытаанах арыгыны), сороҕун атыннык ааттаан араараары гынарын өйдүүбүн. Ону ааһан "Алкоголь, этиловый спирт" диэни, химическэй эттиги арыгы диэн баҕарар быһыылаах. Баҕар сөп буолуо, ол гынан баран дьон үксэ өйдүүрүнэн, тыл үөрэхтээхтэрэ тугу этэллэрин ырыҥалаан көрөн баран туох эрэ түмүккэ кэлиэххэ баар. Холобур Саха тылын быһаарыылаах тылдьыта диэн фундаментальнай үлэҕэ Вино диэн тыл суох.
Маны эмиэ учуоттуохха наада: Түүрдүү - аракы, монголлуу - архи. Аны В дорҕоон саха тылыгар киирии эрэ тылларга туттуллар. Бэйэтин фонетикатын тутулугар маннык дорҕоон суох. Холобур, үөһэ этиллибит тылдьыкка В буукубаттан тахсар тыллар төрүт суохтар. "Сахалыы таба суруйуу тылдьытыгар" бу буукубаттан тахсар тыллар сыһыарыыларга эрэ бааллар: "Сахалыы-нууччалыы барыйааннаах тыллар" диэҥҥэ, уонна аҕыйах тыл "Олохторо нууччалыы суруллар тыллар" диэҥҥэ. Манна да виноград эрэ диэн тыл "бинэгирээт" диэн барыйаанын кытта тэҥҥэ бэриллэр, вино буоллаҕына отой суох. --HalanTul 11:51, 9 Атырдьах ыйа 2008 (UTC)
- Арыгы да диэххэ син. «Саха тылыгар кыһыл уонна үрүҥ арыгы диэн былыр-былыргыттан баар өйдөбүллэр» туcтарынан отой да умнубуппун. «Арыгы» диэн тыл саха тылыгар үксүн «водка» диэн өйдөнөр. Онтон «хайаан да баар буолуохтаах ыстатыйаларга» тоҕо эрэ вино турар. Хайдах икки утаҕы араарыахха сөбүй?--Timir 12:13, 9 Атырдьах ыйа 2008 (UTC)
- Саха тылын быһаарыылаах тылдьыта: "Кыһыл арыгы - үксүн виноградтан оҥоһуллубут кыһыл өҥнөөх арыгы. Үрүҥ арыгы - испиир ууламмыта." Мантан көрдөххө кыһыл диэн винону, үрүн диэн буокканы ааттыыллар эбит. Оттон Пекарскай тылдьытыгар (http://www.sakhatyla.ru/scans.php?book_id=5&p=101) "Арыгы - общее название всех вин; вино, водка (буокка); кыһыл арыгы - красное вино. Күндү арыгы - вино виноградное, шампанское, наливки и пр." - диэн сурулла сылдьар. Мин саныахпар хата бу сылдьар быһыылаах - Күндү арыгы. ЗОЖ поклонниктара арааһа сөбүлээбэттэрэ буолуо да буоллар))). --HalanTul 22:28, 9 Атырдьах ыйа 2008 (UTC)
Сирэйи ырытыытын саҕалаа «Вино»
На страницах обсуждения люди обсуждают, как улучшить содержимое Бикипиэдьийэ. Вы можете использовать эту страницу, чтобы обсудить с другими участниками, какие улучшения внести на страницу «Вино».
