Ыллык (үөрэтэр-чинчийэр лааҕыр)

«Ыллык» — үөрэтэр-чинчийэр лааҕыр.

Хоро орто оскуолатыгар «Ыллык» кыраайы үөрэтэр-чинчийэр лааҕыр 2007 сылтан тэриллэн үлэлиир. Начальнигынан Бестинова Мария Васильевна, история учуутала, иитээччилэринэн Бабаранова Евдокия Николаевна, Хобусаров Софрон Романович үлэлииллэр. Лааҕыр сүрүн сыалынан үөрэнээччилэри төрөөбүт дойдуларын ааспыт кэмин кытта билиһиннэрии. Ол курдук лааҕыр оҕолоро нэһилиэк эргин сытар алаастары кэрийэн ааттарын-суолларын, бу алаастарга кимнээх олоро сылдьыбыттарын, нэһилиэк историятын үөрэтэн билиилэрин хаҥаталлар.

"Улуу хоролор суолларынан" диэн Саха сирин улуустарыгар тарҕанан олохсуйбут Хоро оҕонньор удьуордарын кытта билсэр сыалтан бырайыак оҥорон Республика араас улуустарыгар баар Хоро нэһилиэктэригэр экспедиция тэринэн айаннаабыттара. Ол курдук:

• 2009 с. Уус-Алдан хоролоругар айан.
• 2009 с. Сунтаар улууһун хоролоругар айан.
• 2010 с. Өлүөхүмэ хоролоругар айан.