Щукин Владимир Николаевич

Щукин Владимир Николаевич (1929—2017) — геолог, Ленин бириэмийэтин лауреата, Удачнай уонна Сытыкаан кимберлит туруубкалары, Инаглиннааҕы платина хостонор сирин арыйааччылартан биирдэстэрэ.

Ураалга Коми-Пермяк уокуругар Кудымкарга 1929 сыллаахха ыам ыйын 28 күнүгэр төрөөбүт.

Урааллааҕы университеты 1952 сыллаахха бүтэрбит. Устудьуоннуу сылдьан геологияҕа практикатын икки сыл устата Саха сиригэр алмааһы көрдүүр баартыйаларга барбыт. Үөрэҕин бүтэрэн баран Чита геологияҕа управлениетыгар ыытыллыбыт, онно сылдьан Алдаҥҥа уонна Соҕуруу Саха сиригэр алмаас көрдөөбүт. 1954 сыллаахха Бүлүүгэ көспүт. 1955 сыл олунньутуттан "Зарница" туруупкаҕа Амакинскай эспэдииссийэ №167 баартыйатыгар үлэлээбит.

2017 сыллаахха кулун тутар 18 күнүгэр Иркутскайга өлбүт.

Аатын үйэтитии

2009 сыллаахха Ирина Пантелеева уонна Нинель Гусева таһаарбыт «Амакинская экспедиция: живая легенда» кинигэлэригэр Щукин туһунан түһүмэх баар.