Шапиро Петр Александрович

Бикипиэдьийэ диэн сиртэн ылыллыбыт
Перейти к навигации Перейти к поиску

Петр Александрович Шапиротүмэт урбаанньыт, “Забота” диэн кырдьаҕас уонна кыаммат буолбут аҕам саастаах дьону көрөр-харайар, эмтиир-томтур пансионаттар ситимнэрин тэрийээччилэртэн уонна дириэктэрдэриттэн биирдэстэрэ (http://www.pansion-zabota.ru).

Итини таһынан Петр Шапиро “Мир старшего поколения” диэн аҕам саастаах уонна кырдьаҕас-кыаммат дьону көрөр-харайар, эмтиир-томтуур, олохторун-дьаһахтарын тупсарар хайысхалаах кэмиэрчэскэйэ суох тэрилтэ бырабылыанньатын чилиэнэ буолар.

Петр Шапиро Москуба куоракка төрөөбүт. Кини 1997 сыллаахха Москубатааҕы судаарыстыбаннай Аһаҕас үнүбэрсиэти инженер идэлээх бүтэрбитэ.

Шапиро үөрэҕин бүтэрэн баран 1998 сыллаахха “ЭнергоРемСтрой” диэн дьиэни-уоту тутар чааһынай хампаанньаҕа кылаабынай инженеринэн ананан үлэлээбитэ. Кини Москуба куоракка Подмосковьеҕва социальнай суолталаах хас даҕаны улахан эбийиэктэри тутууга, оҥорон таһаарыыга үлэлэспитэ.

Оттон 2006 сыллаахтан 2009 сыллаахха диэри потранажнай сулууспаҕа салайааччы быһыытынан үлэлээбитэ.

Петр Шапиро 2010 сыллаахха ахсынньы 27 күнүгэр “Забота” диэн хааччахтаммыт эппиэтинэстээх уопсастыбаны тэриммитэ. Бу уопсастыба иһигэр кырдьаҕас дьону көрөр-харайар, кинилэргэ мэдэссиинискэй уонна сонотуорунай өҥөнү оҥорор 10 анал дьиэ киирэр. Манна бэйэлэрин сатаан көрүнэн буолан баран дьон син биир болҕомтотун эрэйэр да, букатын сытар да кырдьаҕас дьон киирэн көрдөрүнэллэр, сынньанан тахсаллар. Эбиитин альцгеймер ыарыытынан ыалдьааччылар эмтэнэллэр.

Петр Шапиро кэргэнэ суох, 15 саастаах кыыс оҕолоох.