Цыпандин Ион Павлович

Цыпандин Ион Павлович 1924 с. Мэҥэ Хаҥалас улууһун Араҥас нэһилиэгэр төрөөбүтэ. 1941 с. Төҥүлү орто оскуолатын 8-с кылааһын бүтэрбит сайыныгар Аҕа дойду Улуу сэриитэ саҕаламмыт. Аҕата ыалдьан олохтон туораабыт, онон ситэ үөрэмэккэ ыал улахан оҕото Дьуона эрдэ холкуос үлэтигэр умса түспүт, кадровай булчутунан үлэлээбит. 1943 с. ыам ыйыгар Ион сэриигэ ыҥырыллыбыт. Аармыйаттан 1947 с. кэлээт, дойдутугар тахсан дьонун көрсөөт, Дьокуускайдааҕы тыа хаһаайсыстыбатын техникумугар үөрэнэ киирбит. Иону Томпоҕо сельхозуправлениеҕа үлэҕэ ыыппыттар. 1950 с. Төҥүлүгэ племрассадник тэриллэн, онно ыҥыран ылбыттар. Бастаан рядовой үлэтинэн сылдьыбыт, кэлин уһун сылларга племстанция начаалынньыгынан үлэлээбит. Бастаан илин эҥээр улуустар сүөһүлэрин боруодатын тупсарыыга дьаныһан үлэлээн, кэлин 1971 сылтан куоракка киирэн саҥа тэриллибит госплемобъединениены салайан ситиһиилээхтик үлэлээн өрөспүүбүлүкэ, ССРС үтүөлээх зоотехнига буолбут. Сөбүлүүр идэтинэн олус бэриниилээхтик үлэлээбит, олоҕун тухары төһө кыайарынан сайыннарбыт.

Наҕараадалара: "ССРС Сэбилэниилээх Күүстэрин 70 сыла" мэтээл, Саха АССР Үрдүк Сэбиэтин Президиумун, РСФСР уонна САССР тыа хаһаайыстыбатыгар министерстволарын, Росплемобъединение бочуоттаах грамоталара, "Саха АССР үтүөлээх зоотехнига" (1967 с.), "Мэҥэ Хаҥалас улууһун бочуоттаах гражданина" (1994 с.)