Цефей (сулустар бөлөхтөрө)

Цефей

Цефей (лат. Cepheus) — Хотугу халлаан сулустарын бөлөхтөрө, халыыба биэс муннуктаах фигура. Бөлөх соҕуруу өттө Халлаан Сиигэр баар. Халлааҥҥа 587,8 квадрат кыраадыс иэннээх уонна 148 харахха көстөр сулустардаах.

Сулустар

• Ордук чаҕылхай Цефей α-та, эбэтэр Альдерамин (2,44^m улаханнаах).
• Цефей δ-та, уларыйа сылдьар Цефеидалар сулустара. Улахана 3,7 — 4,5^m ыккардынан баар, периода 5,37 күн.
• Цефей μ-та]] (Эракис), гранат курдук сулус, улахана 3,4^m — 5,1^m ыккардынан баар. Бу сулус — ордук улахан сулустартар биирдэстэрэ, радиуһа 11,8 астроном кээмэйэ.
• Цефей VV-та – икки хостоох сулус, периода 20,34 сыл; сүрүн компонена – кыһыл гигант, диаметра Күннээҕэр 1200 төгүл улахан.
• HR 8164 (улахана 5,66^m).
• Крюгер 60 – икки хостоох сулус, улахана 10^m. Сиртэн 13 сырдык сыла ыраах.

Интириэһиргэтэр объектар

• NGC 188 сулустар мустуулара.
• NGC 6946 спираль халыыптаах галактика.

Устуоруйата

Былыргы бөлөх. Клавдий Птолемей «Альмагест» каталогар баар. Номоххо киирбит Эфиопия ыраахтааҕыта Цефей Кассиопея кэргэнэ этэ уонна Андромеда аҕата этэ.

Кэтээн көрүү

Арассыыйа территориятыттан ордук уонна толору сайын көстөр.

Сигэлэр

• WIKISKY.ORG: Цефей
• Астромиф: Цефей