Хобусаров Роман Иннокентьевич

Хобусаров Роман Иннокентьевич — Үөһээ Бүлүү улууһун ытык олохтооҕо, тыа хаһаайыстыбатын үлэһитэ.

1938 сыллаахха ахсынньы 12 күнүгэр Үөһээ Бүлүү Быракааныгар төрөөбүтэ. Үөһээ Бүлүү сопхуос Оҥхойдооҕу отделениетын арыы сыаҕар маастардаабыта. 1981 сыллаахха Бочуот Знаага уордьанынан наҕараадаламмыта.

Кини кыра эрдэҕиттэн улэни уонна үөрэҕи тэҥҥэ дьүөрэлээн улааппыта. 8 кылаас кэнниттэн Дьокуускай куоракка үүт сыаҕын маастарын идэтигэр үөрэнэн баран, 1963 сыллаахха Оҥой үүт-арыы сыаҕар үлэтин саҕалаабыта. Роман Иннокентьевич олоххо активнай позициялаах коммунист буолан уобаластааҕы ХХХIII партийнай конференцияҕа кыттар чиэскэ тиксибитэ. Роман Иннокентьевич олорон турбат хоһуун үлэһит этэ. Кини салайбыт, үлэлээбит арыытын Оҥхойдоо5у, Намнааҕы сыахтара түөрт уонча сыл устата улууска эрэ буолбакка, бүтүн республикаҕа биир бастыҥ үлэлээхтэринэн биллибиттэрэ. Элбэх сылларга социалистическай куоталаһыы кыайыылааҕа этэ. Арыы сыаҕын көбүөрэ, арыыта республикаһа хас да төгүл дипломнарынан бэлиэтэммиттэрэ. Улуус маҕаьыыннарыгар атыыга таҕыстаҕына улахан былдьаһыгынан бүтэрэ.Роман Иннокентьевич ситиһиилээх үлэтин иһин 1974 сыллаахха улууска бастакынан «БОЧУОТ ЗНАГА» орденынан наҕараадаламмыта. Олох уларыйан 30 сыл үлэлээбит Оҥхойдооҕу арыы сыаҕа сабыллыбыта. Олоҕун тиһэх күннэригэр диэри көһөн кэлэн олохсуйбут Намнааҕы «Чолбон» колхоз аныгы техниканан үлэлиир арыы собуотугар эдэр үлэһиттэри үлэ үтүө ньымаларыгар уһуйар,үрүҥ ас арааһын оҥорон, арыыта, көбүөрэ Россияҕа аатырбыта. 2004 сыллаахха оробуочай дьонтон биир бастакынан улуус бочуоттаах гражданинын аатын сүгэр чиэскэ тиксибитэ. 2006 сыллаахха ыарахан ыарыыттан олохтон туораабыта.