Хара улар

Бикипиэдьийэ диэн сиртэн ылыллыбыт
Перейти к навигации Перейти к поиску
Tétras à Bec noir.png

Хара улар (нуучч. каменный глухарь) — атыыра дабыдалыгар уонна кутуругун үөһэ өттүнэн үрүҥ куорсуннардаах хара дьүһүннээх, кыһыл хаастаах улахан мас көтөрө. Саха сиригэр улар икки көрүҥэ баар: хара улар уонна чакыр улар. Хара улар ордук хара дьүһүннээх уонна уһун кутуруктаах.

Ыйааһына 4 кг тиийэр. Кыһын тиит лабаата уонна үнүгэһэ аһылыктаах. Саас охсор кэмигэр чакыр улар курдук дьүлэй буолан ылбат. Уйатын охтубут тиит эбэтэр төҥүргэс төрдүгэр туттар. 4-6 сымыыттаах буолар.

Хара улар тыһытын эрдэҕэс диэн ааттыыллар.

Аҥаалык улар — кырдьаҕас бөдөҥ улары ааттыыллар[1].

Өссө маны көр[уларыт | биики-тиэкиһи уларытыы]


  1. Булчут кинигэтэ. В. Н. Сивцев. Дь. Бичик, 2017, С.61