Хайах (үрүҥ ас)

Хайах — ынах үүтүттэн оҥоһуллар үрүҥ ас, "саха үрүҥ арыыта".

Былыр маннык оҥороллор: Бастаан туос иһиккэ (ыаҕайаҕа) харалла сытар убаҕас сүөгэйи сылаас сиргэ туруоран сылыталлар (сүүрбэ кыраадыстан үөһэ буолуор диэри). Онтон хараллан турбут туос иһитигэр симии оһох иннигэр олорон эрэн уот суоһугар ытыгынан охсоллор. 15-20 мүнүүтэ курдук охсубуттарын кэннэ хайах бэлэм буолар (салгыы оҕустахха араҕас арыы буолуон сөп)^[1].

Сороҕор хайаҕы төттөрү арыыттан оҥороллор. Сиикэй ынах арыытыгар аа-дьуо үүтү, арыы уутун эбэтэр тары кутан булкуйан, ытыйан оҥоһуллар^[2].

Хайаҕы тоҥорон баран хаһааналлар. Уунан оҥоһуллубут хайах муус кристаллардаах буолар. Үүккэ суурайан оҥоһуллубут хайах ордук минньигэс буолар уонна тоҥоруллубута көбүөр (көмүөр) диэн ааттанар. Көбүөрү тойон (айахха батар гына кубиктарга үллэрэн) сииллэр.

Тыл туттуллуута

Тыл номохторо

Саламааттаан баран хайаҕын харыстаабыт диэбиккэ дылы.

Быһаарыылар

↑ В.Л. Серошевский Якуты. Опыт этнографического исследования.. — 2-е изд.. — Москва: РОССПЭН, 1993. — Т. 1. — С. 303-304. — 736 с. — 40 000 экз. — ISBN 5-86004-001-6
↑ Саха тылын быһаарыылаах кылгас тылдьыта. (П. С. Афанасьев редакцията). — Дьокуускай: «Бичик», 1994. — ISBN 5-7696-28-2

[[Билэ:|65px|Саха аһа]]

Бу саха аһыгар сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп.

[1] В.Л. Серошевский Якуты. Опыт этнографического исследования.. — 2-е изд.. — Москва: РОССПЭН, 1993. — Т. 1. — С. 303-304. — 736 с. — 40 000 экз. — ISBN 5-86004-001-6

[2] Саха тылын быһаарыылаах кылгас тылдьыта. (П. С. Афанасьев редакцията). — Дьокуускай: «Бичик», 1994. — ISBN 5-7696-28-2

[1]

[2]