Филиппов Гаврил Гаврильевич

Бикипиэдьийэ диэн сиртэн ылыллыбыт
Перейти к навигации Перейти к поиску
Филиппов Гаврил Гаврильевич

Филиппов Гаврил Гаврильевич филологическай наука доктора, профессор, РФ педагогическай уонна социальнай наукаларын академиятын дьиҥнээх чилиэнэ, CӨ наукатын үтүөлээх үлэһитэ.

1944 сыллаахха олунньу 26 күнүгэр Бүлүүгэ Тылгыны нэһилиэгэр төрөөбүтэ.

1962 с. Үгүлээт орто оскуолатын бүтэрбитэ.

1962 с. үөрэммит оскуолатыгар математика уонна физкультура учуутала, интернат иитээччитэ.

1963-1966 сс. Советскай Армияҕа сулууспалаабыта. 1966-1968 сс. «Мастаах» сопхуос рабочайа, Коммунистическай үлэ ударнига.

1968-1973 сс. СГУ саха тылын уонна литературатын идэтин кыһыл дипломнаах бүтэрбитэ.

1973-1974 с. Новосибирскай ГУ проф. Е.И.Убрятова салалтатынан научнай тиэмэтин анаппыта, экзамен туттарбыта. 1974 с. Тылгыны 8-с кыл, оскуолатыгар саха тылын учууталынан уонна үөрэх чааһын сэбиэдиссэйинэн анаммыта. 1974 с. бүтүүтэ СГУ саха тылын уонна литературатын кафедратыгар ыстаарсай преподавателинэн үлэҕэ киирбитэ. 1991 с. кафедра сэбиэдиссэйэ.

1992-2003 сс. саха филологиятын уонна култууратын саҥа тэриллибит факультетын декана. 2003 сылтан саха тылын кафедратын сэбиэдиссэйэ.

1987 с. филологическай наука кандидата.

1999 с. филологическай наука доктора.

1991 с. — доцент, 2000 с. — профессор сыбаанньатын ылбыта. 2002 с. CӨ НА «Наукаҕа ситиһиилэрин иһин» бэлиэлээх.

2003 с. РФ педагогическай уонна социальнай наукаларын академиятын дьиҥнээх чилиэнэ. 2005 с. CӨ наукатын үтүөлээх үлэһитэ.

200-тэн тахса научнай үлэлээх, ол иһигэр 20-чэ үөрэх кинигэтэ, брошюрата.

«Саха оскуолаларын саҥардан сайыннарыы көрүгэ» олоххо киирэригэр күүскэ үлэлэспитэ, СФКФ сүһүөҕэр туруорбута, СГУ институттарыгар уонна факультеттарыгар саха тылын, төрүт култуура предметтэрин киллэрбитэ[1].

"Сахатыйыы уонна саха тыла" диэн ыстатыйатыттан: Төрөөбүт тыл эйгэтэ киһиэхэ балык ууга, көтөр сагыҥҥа наадыйарын курдук суолталаах. Ол эрэн балык да, көтөр да ити эйгэтэ суох тыыннаах буолар кыахтара суох. Оттон төрөөбүт тыл киһиэхэ төроппүттэриттэн бэриллэр социальнай көстүү буолан, кэскилэ, сайдыыта эйгэттэн улахан тутулуктаах. Тыл буомтуйуута омук кэхтэригэр тириэрдэрин үгүстэр өйдөөбөттөр, салгын, УУ курдук төрөөбүт тыл өрүү баар, чөл буолуох курдук сыһыаннаахтар. Аҕыйах ахсааннаах омук тыла, кэскилэ хас биирдии киһи төрөөбүт тылыгар сыһыаныттан, оҕотугар иҥэрэриттэн быһаччы тутулуктаах.


Быһаарыылар[уларыт | биики-тиэкиһи уларытыы]

  1. "Ийэ тыл" көҥүл түмсүү 12 сыла. Эрэдээктэр Т.И. Петрова, Дьокуускай, 2007