Туймаада ыһыаҕа
Туймаада ыһыаҕа — сылын ахсын Дьокуускай куорат аттыгар Үс Хатыҥ диэн сиргэ ыһыллар ыһыах.
Саҥа кэмҥэ бастакы Дьокуускай ыһыахтара 1990 сыллаахтан саҕалаан куорат иһигэр, ипподромҥа ыытыллыбыттара. Кэлин ыһыах улаатан, онно ыытыллара сатабыла суох буолбута, онон 1998 сыллаахха оччотооҕу куорат баһылыга Илья Михальчук ыам ыйын 29 күнүгэр тахсыбыт 148 нүөмэрдээх дьаһалынан куорат ыһыаҕа Намныыр суолунан Тулагы Киллэм сиригэр-уотугар Үс Хатыҥҥа ыытыллар буолбута. Оннук маҥнайгы ыһыах бэс ыйын 27-28 күннэригэр буолбута. Бастакы ыһыахтар Күнү көрсүү сиэриттэн саҕаланаллар этэ.
1990 сыллааҕы ыһыах[уларыт | биики-тиэкиһи уларытыы]
Дьокуускай куоратын дьаһалтатын култуураҕа отделын начаалынньыга Ольга Харайбатова көҕүлээн Дьокуускай оччотооҕу баһылыга Павел Бородин дьаһалынан тэриллибитэ. Ис хоһоонун сүрүн оҥкулун Лазарь Афанасьев-Тэрис оҥорбута. Бастакы ыһыах тэрийэччи дириэктэринэн култуура отделын үлэһитэ Татьяна Протасова ананан үлэлээбитэ. Учуонайдар Василий Илларионов, Константин Уткин-Нүһүлгэн, Тэрис ыытыллар сир былаанын оҥорбуттар. О.М. Харайбатова Егор Шишигины кытта сүбэлэһэн Кыраайы үөрэтэр түмэлгэ сэргэ күрэһин тэрийэн ыһыах бастакы сэргэлэрин оҥотторбуттар. Бастакы ыһыах алгысчытынан артыыс Лааһар Сергучев буолбута[1].
Быһаарыылар[уларыт | биики-тиэкиһи уларытыы]
- ↑ составитель Л.К. Андреева. Дьокуускай куорат бастакы ыһыаҕа (На русском и якутском языках120) // Ысыаху в благословенной долине Туймаада - 25. — Якутск: Айар, 2022. — ISBN 978-5-7696-6366-6.