Третьяков Май Саввич

Третьяков Май Саввич

Третьяков Май Саввич — саха биллиилээх тутааччыта, РСФСР үтүөлээх тутааччыта, «Үлэ Албан аата» уордьан толору кавалера. Дьокуускай куорат уонна Орто Халыма улууһун Ытык киһитэ.

Олоҕун олуктара

1933 сыллаахха ыам ыйын 1 күнүгэр Орто Халыма улууһун Өлөөкө Күөлүгэр булчут дьиэ кэргэнигэр төрөөбүтэ.

1952 сыллаахха Сэбиэскэй Аармыйа кэккэтигэр ыҥырыллыбыта, Красноярскайга тутуу батальонугар сулууспалаабыта. Аармыйатын болдьоҕо бүппүтүн кэннэ Красноярскай тутууларыгар сыл аҥаара хаалан үлэлээбит, 1954 сыл күһүнүгэр Дьокуускайга СМУ-1 тутуу тэрилтэтигэр Алексеев Михаил Федорович (кэлин Социалистическай Үлэ Геройа буолбут) биригээдэтигэр болуотунньугунан үлэҕэ киирбит. Бу сылларга Дьокуускайга таас дьиэлэри күүскэ тутуу саҕаламмыта. Ирбэт тоҥҥо аан бастаан тэрилтэ эрэ дьиэлэрэ буолбакка, таас улахан олорор дьиэлэр тутуллар буолбуттара. 10 сыл кэриҥэ үлэлээн баран Третьяков бэйэтэ биригэдьиир буолбута.

Третьяков М. С. биригээдэтэ Дьокуускай куоракка «Лена» киинэ театрын, онтон Геололгия институтун дьиэтин ситиһиилээхтик туппута. Салгыы кини биригээдэтэ Ю. Гагарин аатынан типографияны, ЯКСМК, Хатастааҕы сибиинньэ иитэр комплексы, Дьокуускай көтөрү иитэр фабрикатын, университет саҥа корпуһун, «Туймаада» стадиону, «Чолбон» бассейны, 202-с түөлбэҕэ бастакы 112-с сиэрийэлээх дьиэни уо. д. а. дьиэлэри туппута.

2025 сыллаахха сэтинньи 7 күнүгэр өлбүтэ.

Наҕараадалара уонна ытык ааттара

• «Үлэ Албан аата» уордьан толору кавалера
• РСФСР үтүөлээх тутааччыта
• Дьокуускай куорат Ытык олохтооҕо (1982)

Сигэлэр

• Газета Якутия 30.04.2013:Неповторимое время Мая Третьякова
• «Эхо столицы» хаһыат 26.04.2013
• SakhaNews 30.04.2013:Строитель, которым гордится Якутск Архыыптаммыт 2013, Ыам ыйын 1 күнүгэр.