Тораманян Торос

Билэ:Toromanyan TA.jpg

Тороманян

Торос Тораманян (арм.: Թորոս Թորամանեան; 1864 — кулун тутар 1, 1934) — эрмээн норуотун биллиилээх архитектора, архитектура историга. Кинини «Эрмээн архитектурнай историографиятын аҕатынан» билинэллэр.

Олоҕо

Торос Тораманян 1864 сыллаахха Османскай империя Шебинкарахисар куоратыгар төрөөбүтэ. Константинополь куоракка, кэлин Парижка архитектураны үөрэппитэ, ол кэннэ орто үйэтээҕи эрмээн архитектурнай пааматынньыктарын сиһилии үөрэппитэ. Өр сыллаах чинчийэр үлэтин түмүгэр эрмээн архитектурата византийскай, кэлиҥҥи кэмнээҕи Арҕаа Европа архитектуратыгар күүстээх сабыдыалы оҥорбутун бэлиэтээбитэ. Турок-эрмээн сэриитин кэмигэр, 1920 сыллаахха, Тораманян научнай-чинчийэр үлэтин улахан аҥарын сүтэрбитэ. 1934 сыллаахха Ереваҥҥа олорон өлбүтэ, Раздан өрүс кытылыгар көмүллэн сытар.

Наҕараадалара уонна сыбаанньалара

Бекназарян, Таманян, Папазян, Таиров, Енгибарян, Даниелян, Амбарцумян, Шагинян, Тороманян

• Армянскай ССР билимин үтүөлээх диэйэтэлэ (1933).
• 1969 Армения Билимин Акадьыамыйата Тороманян аатынан өйдөбүнньүк мэтээл олохтообута.