Тайпэй 101

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Тайпэй 101 күн киириитигэр

Тайпэй 101 (кыт. трад. 臺北101, судургу 台北101, пиньинь Táiběi Yīlíngyī) — Тайбаан киинигэр Тайпэйга баар халлаан кирбээччи. Халлаан кирбээччи 101 мэндиэмэннээх, үрдүгэ — 509,2 м (шпилын кытта). Аллараа мэндиэмэннэргэ атыы-эргиэн кииннэрэ, онтон үөһээ офистар бааллар. Үрдүгүнэн аан дойдуга уон биирис миэстэни ылар.

Халлаан кирбээччини тутуу 1999 сылга саҕаламмыта. Официальнай арыллыыта 2003 сыл сэтинньи 17 күнэ, онтон 2003 ахсынньы 31 күнүгэр үлэтин тэтимнээхтик саҕалаан барбыта. Халлаан кирбээччини тутуу сыаната 1,7 млрд дуоллар.

Бу халлаан кирбээччигэ аан дойдуга саамай түргэн лифт баар — түргэнэ 63 км/ч. Маҥнайгы мэндиэмэнтэн одуулуур мэндиэмэҥҥэ, ол эбэтэр 89-с этээскэ дылы, 39 сөкүүндэнэн тахсыахха сөп.

Бу тутууга өстүөкүлэни, ыстаалы уонна алюминийы 380 бетон өйөбүл өйүүр, олортон хас биирдиитэ сиргэ 80 м батары түһэ сытар. Тутуу буурҕаттан эбэтэр сир хамсааһыныттан самныбатын гына, үөһээ 87 уонна 91 мэндиэмэннэр икки ардыларыгар 660-тонналаах биэтэҥнэс одон турар. Инженердар этэллэринэн, бу тала күүстээх хамнааһыны 2500 сыл устата тулуйар кыахтаах.

Бу тутууну Taipei Financial Center Corp. бас билэр.

Билиҥҥи кэмҥэ, бу тутуу Тайпэй, Тайбаан эрэ киэҥ туттуута буолбатах, Азия континена бүтүннүүтэ сөҕөр-махтайар символа буолар. Сир үрдүгэр 101 мэндиэмэннээх уонна сир анныгар 5 мэндиэмэннээх. Архитектурнай истиилэ аныгы уонна кытай архитектуратын холботтоон оҥорбуттар.

Галерея[уларыт | биики-тиэкиһи уларытыы]

Примечания[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]

Биики ыскылаатыгар медиа билэлэр: