Сталиҥҥа өйдөбүнньүк (Дьокуускай)

Сталиҥҥа өйдөбүнньүк (Амма) кытта булкуйума.

Сталиҥҥа өйдөбүнньүк (Дьокуускай).
Өйдөбүнньүгү үөрүүлээхтик аһыы 2013 сыл ыам ыйын 8 күнүгэр буолбута. Өйдөбүнньүк «Анаабыр Алмаастара» ААО турар сиригэр туруоруллубут.

Өйдөбүнньүк историята

Иосиф Сталиҥҥа Дьокуускайга өйдөбүнньүк туруоруу өйүгэ турбута син ырааппыт эбит. Хас да сыллааҕыта Саха Сирин коммунистара харчы хомуйан, өйдөбүнньүгү Хотугу Осетияҕа оҥотторбуттар. Барыллаан, сыаната 1 300 тыс. солк. буолбут. Ол эрэн Дьокуускай урукку салайааччыта Юрий Заболев өйдөбүнньүк турарыгар сир биэрбэтэх. Сэрии бэтэрээннэрин, коммунистары Матвей Евсеев өйөөн, өйдөбүнньүк «Алмазы Анабара» турар сиригэр олоҕун булбут.

Өйдөбүнньүгү арыйар ытык быраап Российскай Федерация Коммунистарын партиятын Киин комитетын секретарыгар Казбек Тайсаевка, «Анаабыр Алмаастара» ААО генеральнай директорыгар Матвей Евсеевка, сэрии бэтэрээнигэр, Кыһыл Сулус икки уордьанын кавалерыгар Георгий Ефимович Апросимовка, Саха Сирин коммунистарын салайааччытыгар Виктор Губаревка, сэрии бэтэрээнигэр Анисим Прокопьевка уонна Ыччат Ленинскэй коммунистическай сойууһун Саха Сиринээҕи комитетын бастакы секретарыгар Ньургун Даниловка бэриллибит.

Бу Саха Сиригэр Иосиф Сталиҥҥа туруоруллубут өйдөбүнньүктэртэн үһүс буолар. Икки өйдөбүнньүк Мирнэйгэ уонна Аммаҕа туруоруллубуттар.

Сигэлэр

• SakhaPress 08.05.2013:«Ветер истории: В Якутске установлен памятник Иосифу Сталину»