Слепцов Спартак Иванович

Слепцов Спартак Иванович — Саха АССР үтүөлээх артыыһа.

Олоҕун олуктара

Чурапчы улууһун Бахсы нэһилиэгэр 1935 сыл балаҕан ыйын 9 күнүгэр колхозтаах дьиэ кэргэҥҥэ төрөөбүт.

1944 с. Эдьигээн орто оскуолатыгар киирбит.

1954—1957 сс. — Дьокуускайдааҕы культурнай сырдатар оскуолаҕа кулууп салаатыгар үөрэммит. Бүтэрэн баран, Бүлүү оройуонун Культуратын дьиэтигэр уус-уран салайааччынан, онтон үс сыл Үөһээ Бүлүүтээҕи көһө сылдьар драма театрыгар артыыстаабыт.

1961—1966 сс. — ГИТИС режиссер факультетын устудьуона.

1966 с. тохсунньутуттан 1968 с. атырдьах ыйыгар дылы Саха АССР культуратын министиэристибэтин аппаратыгар старшай инспектордаабыт. Бу сылдьан Саха государственнай музыкальнай драма театрын сыанатыгар икки спектаклы туруорбут: М. Эверстова-Обутова «Күөрэгэйин» уонна Л. Леонов «Нашествие».

1968 с. — Ньурба государственнай көһө сылдьар театрын сүрүн режиссера.

Ньурба театрыгар 40-тан тахса элбэх аактаах, 20 биир аактаах пьесалары туруорбута.

Башкир суруйааччытын И. Юмагулов пьесатынан Ньурба театра туроурбут «Нэркэс» спектаакыла Иккис Бүтүн Росситятааҕы драматургия уонна театр искусствотын фестивалыгар I истиэпэннээх диплом ылбыта. Театр коллектива бу үлэтин иһин Саха комсомолун бириэмийэтин лауреата буолбута.

Наҕараадалара уонна ытык ааттара

Саха АССР үтүөлээх артыыһа (1977)