Слепцов Марк Дмитриевич

Слепцов Марк Дмитриевич

Марк Дмитриевич Слепцов (28.11.1914—16.06.1989) — Саха АССР норуодунай артыыһа, РСФСР норуодунай артыыһа.

Олоҕун олуктара

1914 сыллаахха сэтинньи 28 күнүгэр Саха АССР Чурапчы улууһун Бахсы нэһилиэгэр төрөөбүт.

1932-34 сылларга Саха тыйаатыырын устуудьуйатыгар үөрэммитэ. 1934-36 сылларга Луначарскай аатынан Москубатааҕы тыйаатыр ускуустубатын институтуугар (ГИТИС) үөрэммитэ.

1936 сылтан Саха тыйаатырын артыыһа. 1940 сыллаахха Ньурбаҕа Иккис судаарыстыбаннай холкуос тыйаатырын арыйбыта, кылаабынай режиссердаабыта. Олоҕун тухары сүүстэн тахса оруолга ооньообута.

Дьокуускай дьокутааттарын сэбиэтин 8-с ыҥырыытыгар талыллан үлэлээбитэ.

1989 сыллаахха өлбүтэ.

Дьиэ кэргэнэ, аймахтара

• Кэргэнэ — Слепцова Матрёна Васильевна (11.04.1916), РСФСР уонна Саха АССР норуодунай артыыһа.
• Уола — Слепцов Марк Маркович, Саха Өрөспүүбүлүкэтин үтүөлээх артыыһа.

Айар үлэтэ

Оруоллара:

• Дикой («Гроза»)
• Осип («Ревизор»)
• Романюк («Калиновая роща»)
• Нагульнов (Шолохов «Поднятая целина» романынан)
• Шадрин («Человек с ружьём»)
• Сырбай («Разрыв сетей» Амма Аччыгыйа)
• Тарабукин («Семья Тарабукиных» Заболоцкай)
• Ошуков («Попутчики» Семёнов)

Наҕараадалара уонна ытык ааттара

• Саха АССР үтүөлээх артыыһа (1947)
• Саха АССР норуодунай артыыһа (1955)
• РСФСР үтүөлээх артыыһа (1957)
• РСФСР норуодунай артыыһа (1972)
• «Бочуот Знага» уордьан (1981)
• «За доблестный труд в Великой Отечественной войне 1941—1945 гг». мэтээл
• «30 лет Победы в Великой Отечественной войне 1941—1945 гг.» мэтээл
• «Үлэ бэтэрээнэ» мэтээл

Сигэлэр

• Якутский государственный музыкально-драматический театр им. П. А. Ойунского. — Якутск, 1957.
• Национальная библиотека Республики Саха (Якутия):90 лет со дня рождения М. Д. Слепцова, народного артиста РСФСР и ЯАССР, заслуженного артиста РСФСР и ЯАССР
• Кино-Театр.ru:Слепцов Марк Дмитриевич