Сидорова Валентина Ионовна

Сидорова Валентина Ионовна, (1945 с., Бордоҥ нэһилиэгэ, Сунтаар оройуона, Саха АССР), Саха Өрөспүүбүлүкэтин үтүөлээх учуутала.

Олоҕун олуктара

Сунтаар оройуонун Бордоҥ нэһилиэгэр 1945 с.төрөөбүтэ. СГУ историко-филологическай факультетын нуучча тылыгар уонна литературатыгар салаатын бүтэрбитэ. Педагогическай үлэтин Илимниир алын сүһүөх оскуолатыгар учууталынан саҕалаабыта. Салгыы кэккэ сылларга үлэлиир ыччат киэһээҥи оскуолатыгар учууталынан, завуһунан, онтон дириэктэринэн таһаарыылаахтык үлэлээбитэ. Валентина Ионовна бу оскуоланы салайар сылларыгар очнай-заочнай систиэмэнэн кэтэхтэн үөрэтиини киллэрбитэ. Оҕо ахсаана тосту элбээбитэ, үөрэтии хаачыстыбата тупсубута. Үлэлиир ыччат ортотугар үөрэххэ тардаһыы биллэ улааппыта. Валентина Ионовна районо систиэмэтигэр үлэлиир сылларыгар үлэ харыстабылын буппуруостарынан анаан дьарыктаммыта.

Дириҥ билиилээх, сатабыллаах салайааччыны Валентина Ионовнаны Сунтаар политехническэй лицейыгар нуучча тылын уонна литературатын учууталынан туруораллар. Валентина Ионовна лицейгэ нууччалыы тыллаах оҕолору саха тылыгар үөрэтиии анал программатын ырытан оҥорон, үөрэтии процеһыгар киллэрэн, бу эксперимент сөптөөҕө дакаастаммыта, Эльконин, Давыдов ньымаларынан үөрэтиини 1999 сылтан киллэрбиттэрэ. Сидорова В.И. саамай опыттаах педагог быһыытынан эдэр учууталларга мастер-кылаастары, аһаҕас уруоктары биэртэлиир, методическай холбоһуктарга дакылааттары ааҕар. Учууталлары аттестациялааһын комиссиятын бастайааннай чилиэнэ, лицейгэ нуучча тылын кафедратын сэбиэдиссэйэ.

Сидорова В.И. –учууталлар учууталлара, олохтоох Сэбиэт элбэх төгүллээх дьокутаата, лектор, пропагандист уонна агитатор

Кини туһунан

• Сосин О. К., Настоящий профессионал. [о заслуженном учителе РС (Я), учителе русского языка и литературы Сунтарского политехнического лицея Сидоровой Валентине Ионовне] - : , //Сунтаар сонуннара. . - 2005. - Бэс ыйын 9 күнэ-С. 3;