Сибиряков Иннокентий Михайлович

Сибиряков Иннокентий Михайлович (1861—1901) — үөрэхтээһиҥҥэ үгүс үтүөлээх меценат, Сибиряковскай экспедицияны Саха сиригэр тэрийэн ыытааччы (1894—1896 сс.)

Алтынньы ый 30 күнүгэр 1860 сыллаахха Иркутскай куоракка I гильдиялаах атыыһыт дьиэ кэргэнигэр төрөөбүтэ. Аҕата Михаил Александрович — көмүс эргиэмсигэ, Бодойбону төрүттээбит биллэр-көстөр киһи, ийэтэ Варвара Константиновна — Трапезниковтар диэн биллэр-көстөр атыыһыттартан удьуордаах.

Иркутскайга реальнай училищены бүтэрэн баран Петербург университетыгар үөрэнэ барар. Аҕатыттан ылан хаалбыт баайын-дуолун Сибииргэ научнай, сырдатар-үөрэтэр үлэни тэрийэн ыытарга туһаайбыта. Кини көмөтүнэн хас эмэ уонунан ааҕыллар стипендиаттар үрдүк үөрэҕи баһылаабыттара. Таҥара дьиэлэригэр, манастыырдарга ботуччу көмөнү оҥороро.

Кини үбүлээһининэн тахсыбыт кинигэлэр:

• Межов В. И. Сибирская библиография: в 3 т. (1891—1892)
• Межов В. И. Русская историческая библиография за 1800—1854 гг.: в 3 т. (1892—1893).
• Ядринцев Н. М. Сибирь как колония (СПб., 1882)
• Ядринцев Н. М. Сибирские инородцы, их быт и современное положение (1891)
• Семевский В. И. Рабочие на сибирских золотых промыслах (1898)
• Головачев Д. М. Библиографический указатель по вопросу о золотопромышленности Сибири (СПб., 1890)
• Худяков И. А. Верхоянский сборник. Якутские сказки, песни, загадки (Иркутск, 1890)
• Пекарский Э. К. Словарь якутского языка (Якутск, 1899)
• Фёдоров-Омулевский И. В. Сибирские мотивы (СПб., 1886)

Убайа

Бииргэ төрөөбүт убайа Александр (1849–1933) эмиэ атыыһыт уонна бөдөҥ меценат этэ. Кини Норденшельд эспэдииссийэтин үс гыммыт биирин үбүлээбитэ (атын аҥардарын тэҥҥэ Швеция хоруола Оскар II уонна Швеция атыыһыта Оскар Диксон үллэстибиттэрэ), эспэдииссийэ сүрүн хараабылын "Вега" борохуоту арыаллыыр "Лена" борохуоту туттарбыта, онтуката 1953 с. диэри Өлүөнэ өрүскэ үлэлээбитэ.

Сигэлэр

• http://www.pravmir.ru/innokentij-sibiryakov-zhizn-i/