Саҥа аллайыы

Саҥа аллайыы (нууч. междометие) — саҥа ирээтэ, иэйиини уонна ис туругу биллэрэргэ туттуллар уларыйбат тыллар.

Саҥа аллайыы этиигэ уларыйбат, ыйытыыга хоруйдаабат, этии чилиэнэ буолбат. Холобур: Оо, тыый, ычча, чэ.

Сурукка саҥа аллайыы кэнниттэн соппутуой эбэтэр күүһүрдүү бэлиэтэ турар. Саҥа ааллайыы биир тылтан, эбэтэр паараласпыт, хоһуласпыт тыллартан туруон сөп. Хоһуласпыт тыллартан турар буоллаҕына дэпиис турар: Чэ-чэ, баран ис!

Биир саҥа аллайыы эгэлгэ суолталаах буолуон сөп: Оо, тоҕо үчүгэйэй! Оо, ынырыгын! Оо, тугун кыһыытай!