Саха Национальнай уус-уран түмэлэ

Бикипиэдьийэ диэн сиртэн ылыллыбыт

Саха Национальнай уус-уран түмэлэ — ойуулуур ускуустуба бары көрүҥнэрин, тас дойдулар, нуучча, Арассыыйа XVIXX үйэлэргэ үлэлээбит маастардарын үлэлэрин, XVIII үйэттэн саҕалаан XXI үйэ саҕаланыытыгар дылы Саха Сирин ускуустубатын көрдөрөр түмэл.

Аан бастаан түмэл тэрийэр туһунан «Саха кэскилэ» уопсастыба этии киллэрбитэ: 1925 сыллаахха Хартыына галереятын арыйыы бырайыага көрүллүбүтэ, 1926 с. — ойуулуур ускуустуба быыстапката тэриллибитэ, 1927 сыллаахха галерея боппуруоһун Саха АССР бырабыыталыстыбата өйөөбүтэ. ЯЦИК СНК бэрэстээтэлэ М. К. Аммосов КЯР (Комиссия Академии наук СССР по изучению производительных сил ЯАССР) нөҥүө РСФСР Наркомпроһун музейдарын салаатын кытта нуучча уонна тас дойдулар классиктарын хартыыналарын ыыталларын туһунан кэпсэтии ыыппыта. Анал тэриллибит хамыыһыйа Иркутскайдааҕы уус-уран галерея хранителин Б. И. Лебединскэйи үлэҕэ ылбыта. Бу худуоһунньук Сибиир худуоһунньуктарыттан Саха Сиригэр анаан хартыына хомуйбута, уонна бэйэтэ “Река Лена при впадении в нее Алдана” (1928) диэн пейзаж-панно суруйбута[1].

Түмэл салайааччылара[уларыт | биики-тиэкиһи уларытыы]

1946—1952 Кандинскай Вячеслав Алексеевич (1902—1980), Саха АССР норуодунай худуоһунньуга, живописец.

1952—1975 Габышев Лев Михайлович (1923—1975), Саха АССР ускуустубатын үтүөлээх диэйэтэлэ, живописец.

1975—1983 Петров Виктор Григорьевич (1928 төр.), СӨ култууратын үтүөлээх үлэһитэ, живописец.

1984—1993 Васильева Наталья Михайловна (1938 төр.), искусствовед.

1993 — билиҥҥэ дылы Габышева Ася Львовна, СӨ ускуустубатын үтүөлээх диэйэтэлэ, искусствовед.

Сигэлэр[уларыт | биики-тиэкиһи уларытыы]

Түмэл бэйэтин ситим-сирэ

Быһаарыылар[уларыт | биики-тиэкиһи уларытыы]

  1. http://www.sakhamuseum.ru/topic.php?id=9 Түмэл устуоруйата