Санников Иннокентий Андрианович

Бикипиэдьийэ диэн сиртэн ылыллыбыт
Перейти к навигации Перейти к поиску

Санников Иннокентий Андрианович (1903—1931) — Бүлүү ревкомун бэрэссэдээтэлэ, Ньурбаҕа бастакы комсомол ячейкатын тэрийээччи.

1903 сыллаахха Бүлүү уокуругун Алексадровка (Куочай) дэриэбинэтигэр төрөөбүт. Аҕата бааһынай Санников Андриан Филиппович сыылынай Яков Аркадьевич Попов табаарыһа эбит. Саха губерниятыгар өрөбөлүүссүйэ сүпсүлгэнэ саҕаламмытыгар эдэр киһи онно кыттар. Аатырбыт Бүлүү оборонатын, Ньурба оборонатын кыттыылааҕа.

Гражданскай сэрии бүтүүтэ 20-с сыллар бүтүүлэригэр Москубаҕа үөрэххэ ыыталлар — Илин үлэһиттэрин коммунистыы университетын (Коммунистический университет трудящихся Востока, КУТВ) устудьуона буолар. Бүтэрэн баран, аспирантураҕа хаалар. Баартыйа Москубатааҕы Краснопресненскай райкомун чилиэнэ буолар.

Бу кэмҥэ Санников баартыйа сорудаҕынан Арассыыйа элбэх сирдэригэр сылдьар, хотуттан саҕалаан соҕуруу Кавказка тиийэ.

Онтон ыараханнык ыалдьан, дойдутугар төннөр, «для усиления партийного аппарата» диэн Киин кэмитиэттэн направлениелаах Саха Срин баартыйа обкомугар Пропаганда уонна агитация салаатын сэбиэдиссэйинэн ананар.

1931 сыллаахха 28 саастааҕар Ньурбаҕа өлбүт[1].

Быһаарыылар[уларыт | биики-тиэкиһи уларытыы]

  1. Из плеяды романтиков революции. Артур Андросов.