Самсонов Дмитрий Константинович

Бикипиэдьийэ диэн сиртэн ылыллыбыт
Перейти к навигации Перейти к поиску
Дмитрий Константинович Самсонов
Төрөөбүт күнэ:

8 сэтинньи 1910({{padleft:1910|4|0}}-{{padleft:11|2|0}}-{{padleft:8|2|0}}) (109 саастаах)

Төрөөбүт сирэ:

Оҥхой нэһилиэгэ, Марха улууһа, Саха уобалаһа

Дойдута:

Россия империятаFlag of Russia.svg Россия империятаССРСFlag of the Soviet Union.svg ССРС

Аҕата:

Иванов Константин Иванович

Ийэтэ:

Чомчоева Матрена Михайловна

Наҕараадалара:

Аҕа дойду сэриитин I ст. уордьана — 1985

.

Самсонов Дмитрий Константинович — Кумаар, Аҕа дойду улуу сэриитин кыттыылааҕа, үлэ бэтэрээнэ.

1912 сыллаахха уруккута Марха улууһун Оҥхой нэһилиэгэр сэтинньи 8 күнүгэр төрөөбүт. Аҕата Иванов Константин Иванович, ийэтинэн төрдө Ньурба Үөдэйэ, Самсоновтар диэн, ийэтэ Чомчоева Матрена Михайловна. Оҕолоругар өлүүлээх буолан Самсонов диэн эбэтин фамилиятын биэрбиттэр. Былыргы оҕо сиэринэн оттоһон-мастаһан улааппыт. Дьоно 9 саастааҕар от охсорго үөрэппиттэр. Сытыы-хотуу, атаҕынан кыанар оҕону «Чооруос» диэн ааттаабыттар. Оҕо сааһа «Орто Сир» алаастарыгар ааспыт. 17 сааһыгар кэргэннэммит.

«Трактор» колхоз тэриллэн, дьонун кытта сүөһү холбоон кэргэнинээн Марыыналыын (Хоро) колхозка киирбиттэр. Онно сүөһү, сылгы холбообуттар. Ким төһө үлэлээбитинэн дохуот ааҕан эт, арыы, бурдук биэрэллэр эбит. Дьон-сэргэ олоҕо тупсан барбыт. 1939 с. колхоһа Бүлүү куоратыгар ыытан алын сүһүөх салайар кадрдар курстарыгар үөрэттэрбитэ, 1940 с. ферма сэбиэдиссэйинэн анаммыта.

1941 сыл Аҕа дойду сэриитигэр бастакы ыҥырыкка аармыйаҕа ыҥырыллыбыт. Бүлүү умнаһын ньургун уолаттара — 700 киһи — баржанан айаннаабыттар. Манна Иккис Хороттон Дягилев Серафим Андреевич, (Кылайа) Сэмэн уола Тиихээн, Аһыкайтан Иванов Гаврил Дмитриевич, Иванов Василий Дмитриевич (Балла), Көмдьөөкөй уолаттара Уйбаан, Дьөгүөр (Сигиллэх), Бастакы Хороттон Толбонноохоп, Мордьонноохоп, (Баалкы) Баһылай, Мэйиктэн Бочугурас, Үөдэйтэн Хабыкка о.д.а. Мальтаҕа байыаннай бэлэмнэнии курсун ааспыт уонна ахсынньы ый бүтэһигэр Арҕаа фроҥҥа 2-с Украинскай фронт маршал Тимошенко командирдаах 2-с Армия 226- дивизия 989 полка 1-кы ротатын саллаата буолбут. Суостаах сэрии бастакы уотугар киирэн өлөр-тиллэр ыккардыгар сылдьыбыт. Роталарыгар 30-ча саха баара. Үөһээ Бүлүү оройуонуттан Гаврил Дмитриевич Иванов (Аһыкай, сураҕа суох сүппүт), Данил Петрович Васильев (Нам, бааһырбыт, сэрииттэн тыыннаах эргиллибит), Роман Ойуров (Кэнтик, улаханнык бааһыран госпитальга киирэн өлбүт), Алексей Гаврилович Семенов (2-с Үөдүгэй, ити киирсиигэ өлбүт). Биир кытаанах кыргыһыы кэмигэр атаҕар бааһырбыт. Киһи тиийбэтинэн госпитальга ыыппатахтар. Бэрэбээскилээн баран салгыы сэриилэспит.

Олунньу ыйга Сажное, Сабинино, Крестовое диэн дэриэбинэлэри өстөөхтөн босхолуур аҕыс күннээх кыргыһыыга иккистээн бааһыран Астрахань куоракка госпитальга 1942 сыл бэс ыйын 15 күнүгэр дылы сытан 2-с группалаах инбэлиит буолан сыыйыллан дойдутугар төннүбүт.

1943 сылга «Трактор» колхозка бэрэссэдээтэли солбуйа сылдьыбыт, онтон хонуу биригэдьииринэн, ферма сэбиэдиссэйинэн, атыыһытынан үлэлээбит. Кэнники сылларга Хоро оскуолатын уонна 2-с №-дээх оскуола үлэ лааҕырдарыгар наставнигынан 14 сыл үтүө суобастаахтык үлэлээбитэ.

Сигэлэр[уларыт | биики-тиэкиһи уларытыы]

Наградной лист в электронном банке документов «Подвиг Народа»