Родионова Надежда Михайловна

Бикипиэдьийэ диэн сиртэн ылыллыбыт

Родионова Надежда Михайловна (1944 с. муус устар 11 күнэ - Кэмпэндээйи с., Сунтаар улууһа, Саха АССР - 2019 с. тохсунньу 8 күнэ) — Саха Өрөспүүбүлүкэтин үөрэҕэриитин үтүөлээх үлэһитэ, РСФСР норуотун үөрэҕэриитин туйгуна, Саха Өрөспүүбүлүкэтин учууталларын учуутала, Саха Өрөспүүбүлүкэтин үөрэҕэриитин систиэмэтин бочуотаах бэтэрээнэ.

Олоҕун олуктара[уларыт | биики-тиэкиһи уларытыы]

1968 с. Дьокуускай куорат педагогическай училищетыгар «Начаалынай оскуолаучуутала» идэни ылан бүтэрбитэ. Сунтаар иккис нүөмэрдээх орто оскуо-латыгар начаалынай кылаасучууталынан, онтон старшай пионер баһаатайынан улэлээн, педкэлэктиип, төрөппүт общественноһын уопсай билиниитин ылбыта 1978 с. Надежда Михайловнаны, үүнэн иһэр, айымньылаахтык, 0ҕо интэриэһин тардар гына үлэлиир педагогу, оройуоннааҕы пионердар дьиэлэрин дириэктэринэн анаабыттара. Бу Дьиэ кэлин, пионерскай тэрилтэни эспиттэрин кэннэ, Оҕо дьоҕурун сайыннарар киин (ОДьСК) диэн уларытыллан ааттанан салгыы үлэлии турар. Манна араас куруһуоктар, студиялар арыллан үлэлииллэр. Родионова Н.М. туруорсуутунан оройуон салалтата Оҕо дьоҕурун сайыннарар киинигэр саҥа дьиэ тутан биэрбитинэн, үлэ өссө кэҥээбитэ, сылдьар oҕo элбээбитэ. Манна oҕo айымньытын оҥоһуктара уопсай көрдөрүүгэ туруоруллар, оройуон, өрөспүүбүлүкэ конференциялара, араас семинардар тэриллэллэр.[1][2]

Наҕараадалара уонна ытык ааттара[уларыт | биики-тиэкиһи уларытыы]

  • Саха Өрөспүүбүлүкэтин үөрэҕэриитин үтүөлээх үлэһитэ
  • РСФСР норуотун үөрэҕэриитин туйгуна
  • Саха Өрөспүүбүлүкэтин учууталларын учуутала
  • Саха Өрөспүүбүлүкэтин үөрэҕэриитин систиэмэтин бочуотаах бэтэрээнэ
  • Саха Өрөспүүбүлүкэтин үөрэхтээһинин сайдыытыгар кылаатын иһин
  • Сунтаар улууһун үөрэҕэриитин сайдыытыгар кылаатын иһин
  • "Саха Азия оҕолоро" норуоттар икки ардыларынааҕы фонда стимпендиата
  • "За доброе сердце и профессионализм" мэдээл
  • Сунтаар нэһилиэгин бочуоттаах олохтооҕо
  • Үлэ бэтэрээнэ[2]

Аатын үйэтитии[уларыт | биики-тиэкиһи уларытыы]

Н.М.Родионова аата бэс ыйын 18 кунун 2022 сыллаах Сунтаар улууһун депутаттарын Сэбиэтин XVIII ыҥырыылаах мунньаҕын быһаарыытынан "Сунтаардааҕы оҕо дьоҕурун сайыннар киин" эбии үөрэхтээhин муниципальнай бюджетнай тэрилтэтигэр иҥэриллибитэ.

Сигэлэр[уларыт | биики-тиэкиһи уларытыы]

  1. Сайт посвященный Родионовой Н.М. [1] Архыыптаммыт 2022, Алтынньы 11 күнүгэр.
  2. 2,0 2,1 Муударай салайааччы. Киһи кэрэмэһэ./ хомуйан оҥордо А.А.Яковлева. - Дьокуускай, 2020.