Редников Иван Петрович

Бикипиэдьийэ диэн сиртэн ылыллыбыт
Перейти к навигации Перейти к поиску

Редников Иван Петрович (09.04.1898 - 22.02.1974) - Саха АССР Үрдүкү Сэбиэтин Бөрөсүүдьүмүн бэрэстээтэлин солбуйааччы, хомуньуус баартыйа диэйэтэлэ, Иккис аан дойду сэриитин кыттыылааҕа, полковник.

1898 сыллаахха Өлүөхүмэ улууһун Маача сэлиэнньэтигэр төрөөбүтэ. 1917-1918 сылларга Сэбиэскэй былааһы олохтуурга кыттыбыта. Оробуочай дьокутааттар сэбиэттэрин чилиэнэ, Саха кыраайын Кыһыл сэриилэрин өрөбөлүүссүйэ ыстаабын чилиэнэ. 1918-1919 сылларга Иркутскайдааҕы уонна Томскайдааҕы бассабыык тэрилтэлэрин сорудаҕынан Колчак аармыйатыгар сулууспалаабыта, кыһыллар туһаларыгар кистэлэҥ үлэни ыыппыта. 1920-1923 сс. Саха АССР сэриилэрин ыстаабын чаастарыгар этэрээт хамандыыра уонна хамыһаара. 1923 сыллаахха ЦКК РКП (Б) партколлегиятыгар үлэлээбитэ. 1927 сыллаахха Ленинградтааҕы байыаннай политическэй акадьыамыйаны бүтэрэн баран Саха АССР-гар салайар үлэҕэ анаммыта. 1929-1941 сс. Москуба уонна Волгатааҕы байыаннай уокуруктарга политрук. 1941 сылтан 1945 сыллаахха диэри сэриигэ кыттыбыта, Хотугулуу-Арҕаа, Киин уонна Бастакы Белоруссия фроннарыгар сулууспалаабыта. сэриини полковник сыбаанньалаах түмүктээбитэ. 1946-1948 сылларга Германияҕа сэбиэскэй сэриилэр бөлөхтөрүгэр сулууспалаабыта[1]. 1948-1956 сс. Илиҥҥи Сибиир уонна Забайкальскай байыаннай уокуруктарга байыаннай хамыһаардаабыта.

1956-1960 сс. Саха АССР Үрдүкү Сэбиэтин Бөрөсүүдьүмүн бэрэстээтэлин солбуйааччытынан үлэлээбитэ.

1960 сылтан Кострома куоракка олорбута. ЖЭК-4 баартыйатын тэрилтэтигэр сэкиритээринэн өр сылларга талыллан үлэлээбитэ.

Наҕараадалара[уларыт | биики-тиэкиһи уларытыы]

Икки Ленин уордьана, икки Кыһыл Знамя уордьана, Аҕа дойду сэриитин I уонна II истиэпэннээх уордьаннара, Бочуот Знаага уордьан уонна 7 мэтээл.

Быһаарыылар[уларыт | биики-тиэкиһи уларытыы]