Подрясова Фатима Никифоровна
Подрясова Фатима Никифоровна, (1938 с. атырдьах ый 7 күнэ, Бүлүүчээн с., Сунтаар оройуона, Саха АССР), Саха Өрөспүүбүлүкэтин үөрэҕириитин туйгуна, Сунтаар улууһун Бочуоттаах бэтэрээнэ.
Олоҕун олуктара[уларыт | биики-тиэкиһи уларытыы]
Сунтаар оройуонун Бүлүүчээн нэһилиэгэр Подрясов Никифор Кириллович уонна Данилова Татьяна Васильевна дьиэ кэргэттэригэр төрөөбүтэ. Бүлүүчээҥҥэ сэттис кылааһы бүтэрэн баран, Дьокуускайга эдьиийин Евдокия Никифоровналыын барсан, 1959 сыллаахха 2 №-дээх оскуоланы бүтэрбитэ. Онтон кылааһынан Мирнэй куорат тутуутугар барбыта.
1959-1963 сс. алмааһы байытар фабрикаҕа үлэлээбитэ. 1963-1965 сс. Бүлүүтээҕи педучилищеҕа үөрэммитэ. 1965-1966 сс. Маттаҕаҕа , онтон төрөөбүт нэһилиэгэр , Бүлүүчээн оскуолатыгар 2011 с. бочуоттаах сынньалаҥҥа тахсыар диэри учууталынан үлэлээбитэ. 1979 сыллаахха кэтэхтэн Саха государственнай университетын историческай салаатын бүтэрэн история учууталынан үлэлээбитэ.
Өр сыллаах сыралаах үлэтэ Саха Өрөспүүбүлэктин үөрэҕириитин туйгуна, учууталлар учууталлара, Өрөспүүбүлүкэ үөрэҕириитин Бочуоттаах бэтэрээнэ, Сунтаар улууһун Бочуоттаах бэтэрээнэ ааттарынан бэлиэтэммитэ. Ол эрэн бэйэтэ, үөрэппит ыччаттарын тапталларын, кинилэр төрөппүттэрин махталларын учуутал быһыытынан саамай үрдүк наҕараадатынан ааҕар.
Нэһилиэк олоҕор актыыбынай позицияны тутуһар – Дьахталлар советтарын бэрэссэдээтэлинэн, оскуолаҕа партийнай тэрилтэ сэкэритээринэн, агитзона начальнигынан, табаарыстыы суут сэтээтэлинэн, кэлиҥҥи кэмҥэ кырдьаҕастар Сэбиэттэрин бэрэссэдээтэлинэн быыбарданан үлэлээбитэ.[1]
Наҕараадалара уонна ытык ааттара[уларыт | биики-тиэкиһи уларытыы]
- “Гражданскай Килбиэн» бэлиэ
- Саха Өрөспүүбүлүкэтин үөрэҕириитин туйгуна
- “Саха Өрөспүүбүлүкэтин учууталларын учуутала» бэлиэ
- Өрөспүүбүлүкэ үөрэҕириитин Бочуоттаах бэтэрээнэ,
- Бүлүүчээн нэһилиэгин Бочуоттаах олохтооҕо
- Педагогическай үлэ бэтэрээнэ[1]
Кини туһунан[уларыт | биики-тиэкиһи уларытыы]
- Кириллин А., Кини өрүү учуутал. [Фатима Никифоровна Подрясова түһунан, Сунтаар улууһа] - : , //Сунтаар сонуннара. . - 2018. - Атырдьах ыйын 7 күнэ-С. 3;
- Сивцева-Мигалкина С., От судьбы не убежишь. [о председателе совета ветеранов, Почетном гражданине с. Вилючан Сунтарского улуса Фатиме Никифоровне Подрясовой] - : , //Молодежь Якутии. . - 2004. - 3 декабря-C. 17;