Павлов Валентин Васильевич

	Павлов Валентин Васильевич
Төрөөбүт күнэ	26 бэс ыйын 1916
Төрөөбүт сирэ	Богатое с., Самара уобалаһа
Өлбүт күнэ	24 муус устар 1974 (57 сааһыгар)
Сулууспалаабыт дойдута	ССРС
Сулууспалаабыт сыллара	1935—1974
Солото	Капитан Капитан
Кыргыһыылар/сэриилэр	Аҕа дойду Улуу сэриитэ

Павлов Валентин Васильевич (26.06.1916, Богатое с., Самара уобалаһа — 24.04.1974) — Аҕа дойду Улуу сэриитин кыттыылааҕа, Сэбиэскэй Сойуус Дьоруойа (1945).

Олоҕун олуктара

1916 сыллаахха бэс ыйын 26 күнүгэр Самара уобалаһын Богатовскай оройуонугар Богатое сэлиэнньэҕэ бааһынай дьиэ кэргэнигэр төрөөбүт. Омугунан нуучча. 4 кылаас үөрэхтээх. Тырахтарыыстар куурустарын бүтэрэн, төрөөбүт колхуоһугар «Красный путь» тырахтарыыһынан үлэлээбит. Ол кэннэ уу тырааныспарын оскуолатыгар үөрэммит. Волгатааҕы өрүс борохуостубатыгар масленщигынан, хачыгаарынан, мэхээнньигинэн үлэлээбит.

1934 сылтан Дьокуускай куоракка олорбут. 1935 сыл тохсунньутугар Саха АССР ИДьНК-гар үлэлээбит: практикант-дактилоскопист, холуобунай ирдэбил оперболомурчунайа, онтон да атын сулууспаларга (пааспар, БХСС, ОВИР).

1939 сылтан ВКП(б)/ССКП чилиэнэ. 1940 сыл ахсынньытыгар баартыйа обкуома Павловы холуобунай ирдэбил начаалынньыгынан бигэргэппит.

1941 сыллаахха Кыһыл Аармыйаҕа ыҥырыллыбыт. Сулууспатын Уһук Илиннээҕи тааҥка чаастарыгар ааспыт.

1942 сыллаахха Иркутскайдааҕы байыаннай политическай учуулуссаны бүтэрбит.

1942 сыл муус устарыгар эдэр эписиэр саҥа тэриллибит 11-с тааҥка куорпуһугар хамыһаарынан анаммыт. 1942 сыл сайыныгар Брянскай фроҥҥа көмүскэнии кыргыһыыларыгар кыттыбыт.

Хас да уһулуччу ситиһиилэрин иһин, ол иһигэр хамаандалыыр батальона 300 массыыналаах ньиэмэс холуоннатын генералы кытта билиэн ылбытын иһин, тааҥкалартан бастакынан Одер өрүһү туораабытын иһин кэккэ уордьаннарынан наҕараадаламмыта.

ССРС Үрдүкү Сүбэтин Бүрүсүүдьүмүн 1945 сыл кулун тутар 24 күнүнээҕи Ыйааҕынан бойобуой сорудахтары уһулуччулаахтык толорорун, көрдөрбүт хорсун, дьоруойдуу быһыытын иһин капитан Павлов Валентин Васильевичка Сэбиэскэй Сойуус Дьоруойун аата иҥэриллибитэ.

Сэрии кэнниттэн, 1946 сыллаахха, Павлов Дьокуускайга төннөн, милииссийэҕэ салгыы үлэлээбит. 1947 сыллаахха Саха АССР Үрдүкү Сүбэтин дьокутаатынан талылла сылдьыбыт. Ол кэннэ Иваново, Барнаул, Симферополь куораттар ис дьыалаларын уорганнарыгар үлэлээбит. Олоҕун бүтэһик сылларыгар Днепропетровскай куоракка олорбут. 1974 сыллаахха муус устар 24 күнүгэр өлбүт. Днепропетровскай куоракка Геройдар Аллеяларыгар көмүллүбүт.

Наҕараадалара

«Кыһыл көмүс Сулус» мэтээл, № 5152 (24.03.1945)^[1]
Ленин уордьана (24.03.1945)
Кыһыл Знамя уордьана (11.04.1945)^[2]
Аҕа дойду сэриитин 1 ст. уордьана (24.08.1944^[3])
Аҕа дойду сэриитин 2 ст. уордьана (23.07.1944^[4], 21.08.1944^[5])
Кыһыл Сулус уордьана (31.03.1943^[6], ?)
«Грюнвальд Кириэһэ» уордьан III ст. (Чехословакия)
Боруонса Сулус (АХШ)

Үйэлээх аата

Дьоруой аата грузовой теплоходка иҥэриллибит.
Төрөөбүт сиригэр, Богатое сэлиэнньэҕэ, Дьоруой аатынан уулусса ааттаммыт.

Быһаарыылар

↑ Наградные документы в электронном банке документов «Подвиг Народа»
↑ Наградные документы в электронном банке документов «Подвиг Народа»
↑ Наградные документы в электронном банке документов «Подвиг Народа»
↑ Наградные документы в электронном банке документов «Подвиг Народа»
↑ Наградные документы в электронном банке документов «Подвиг Народа»
↑ Наградные документы в электронном банке документов «Подвиг Народа»

Сигэлэр

Павлов Валентин Васильевич. Cитим-сир «Герои Страны».

Якутяне - Герои Советского Союза и Российской Федерации кавалеры ордена Славы 3-х степеней

[1] Наградные документы в электронном банке документов «Подвиг Народа»

[2] Наградные документы в электронном банке документов «Подвиг Народа»

[3] Наградные документы в электронном банке документов «Подвиг Народа»

[4] Наградные документы в электронном банке документов «Подвиг Народа»

[5] Наградные документы в электронном банке документов «Подвиг Народа»

[6] Наградные документы в электронном банке документов «Подвиг Народа»

[1]

[2]

[3]

[4]

[5]

[6]