Остуол тенниһэ

Остуол тенниһэ Саха Сиригэр[уларыт | биики-тиэкиһи уларытыы]

Остуол тенниһэ 1950 сс. Усть Нераҕа тэнийбитэ. Республикаҕа бу көрүҥ сайдыытыгар театр артыыстара, Усть Нератааҕы геология салаатын үлэһиттэрэ төһүү күүс буолбуттара.

Онтон 1950 с. Чурапчы улууһугар тэнийбитэ. Оччотооҕу кэмҥэ Б. Тытыгынаев, А. Собакин, Л. Барашкова-Попова, К. Оконешникова утумнаахтык дьарыктанан, Бүтүн Россиятааҕы зонатааҕы күрэхтэһиилэргэ ситиһиилээхтик кыттыбыттара.

1960-70 сс. эстафетаны бырааттыы Станислав, Александр, Михаил Доҕордуураптар, П.Оконешников, А. Поисеева (Чурапчы), Л.Попова (Дьокуускай), А. Осипов (Гор-най), Д. Максимов (Уус Алдан), Е. Шулыкина (Мииринэй), Р.Шварц (Өймөкөөн), А.Алексеев (Дьокуускай), Е. Таран (Томпо), О. Жуков (Дьокуускай) уо.д.а. туппуттара.

Чурапчы улууһун сүүмэрдэммит хамаандата хас да сыл устата Дальнай Восток зонатааҕы күрэхтэһиитигэр кыайан, «Урожай» общество Россиятааҕы көрсүһүүлэригэр бириистээх миэстэлэргэ тиксэн, кыайыы өрөгөйүн билбитэ.

Бу күөн-күрэскэ сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп.