Олимпиада күнэ
Олимпиада аан дойдутааҕы күнэ (нууч. Междунаро́дный Олимпи́йский день) — МОК быһаарыытанн аан дойдуга бэс ыйын 23 күнүгэр бэлиэтэнэр күн.
Устуоруйата[уларыт | биики-тиэкиһи уларытыы]
1948 сыл тохсунньутугар Аан дойдутааҕы олимпиада кэмитиэтэ (МОК) бэйэтин 42 сиэссийэтигэр Санкт-Морицка бу күнү сылын ахсын бэс ыйын 23 күнүгэр бэлиэтиир туһунан быһаарыы ылыммыт. Төрүөтэ: бу күн 1894 сыллаахха, Олимпиада хамсааһынын сөргүтээччи барон Пьер де Кубертен Парижка атлетика кэнгириэһигэр устуоруйаҕа киирбит дакылаатын аахпыта. Ол кэнниттэн кэнгириэс 1896 сылллаахха Грецияҕа аныгы кэм бастакы Олимпиадатын тэрийэр туһунан быһаарбыта, оттон Кубертен бэйэтэ онно тэриллибит МОК тэрилтэни баһылаабыта.
Тэрээһиннэр[уларыт | биики-тиэкиһи уларытыы]
Бу күн сүрүн тэрээһининэн элбэх киһи кыттыылаах уһун дистанцияҕа сүүрүүнү тэрийии буолар. Ону таһынан МОК дойдулар олимпиадаларын кэмитиэттэригэр бу күн эгэлгэ күрэхтэһиилэри ыытарга сүбэлээбитэ, соруга — олимпиада "Спорт барыларыгар" диэн бириинсибин тарҕатыы. Олимпиада хартията маннык этэр:
«Олимпиада хамсааһынын соруга — ыччаты спорт көмөтүнэн бэйэ бэйэни өйдөһөр буоларга уонна доҕордоһорго иитии, онон ордук тупсаҕай, эйэлээх олоҕу ситиһии»