Озберк Бурджу

Бикипиэдьийэ диэн сиртэн ылыллыбыт
Перейти к навигации Перейти к поиску

Бурджý Озбéрк (туур. Burcu Özberk; 1989 сыллаахха ахсынньы 12 күнүгэр төрөөбүтэ, Турция өрөспүүбүлүкэтэ, Эскишехир куорат) — турок норуотун биллэр көстөр артыыһа.

Биографията[уларыт | биики-тиэкиһи уларытыы]

Бурджу Озберк 1989 сыллаахха ахсынньы 12 күнүгэр Турция Эскишеһир куоратыгар төрөөбүт. Кини бииргэ төрөөбүт эдьиийдээх. Хаджиттепе университетыгар тыйаатыр салаатын бүтэрбитэ. Билигин Стамбул куоракка олорор.

Карьерата[уларыт | биики-тиэкиһи уларытыы]

Бурджу Озберк Эрдал Бешикчиолу салайааччылаазх Татбикат тыйаатырга оонньуур. Кини маннык туруорууларга кыттыбыта: «Сказка Войцеха», «Дурацкая Любовь» уо д а. Киинэҕэ аан бастаан "Великолепный век" киинэ сэрийээлигэр Хуриджихан Султан[1], Паргалы Ибрагим паши уонна Хатидже Султан кыыстарын улахан эрдэҕинээҕитин оонньоон сүрэхтэммитэ. 2015 сылтан 2016 сыллаахха диэри Бурджу Назлы оруолугар «Дочери Гюнеш» диэн сэрийээлгэ уһуллубута. Ол бырайыак түмүктэммитин кэннэ, 2016 сыллаахха Бурджу «Замечательный зять» диэн ааттаах тэлэбиисэр сэрийээлигэр Мелике оруолугар тиксибитэ. 2017 сыллаахха Бурджу "Непокорный Каратай" диэн толору метрдаах киинэҕэ сүрүн дьахтар оруолун оонньообута. Ону таһынан эмиэ 2017 сыллаахха кини «Миндальные Сладости» сэрийээлгэ Айше оруолун толорубат. Эмиэ ити сыл күһүнүгэр кини «Семья Аслан» диэн хас даҕаны сиэрийэлээх киинэҕэ ылсыбыта. 2019 муус устарыгар «Любовь напоказ» диэн саҥа сэрийээлгэ оонньоон саҕалаабыта. Онно кинини кытта Чаглар Эртугрул диэн эмиэ биллиилээх киинэ артыыһа уһуллубута.

Тус олоҕо[уларыт | биики-тиэкиһи уларытыы]

2017 сыллаахтан Бурджу Альперен Дуймаз диэн артыыһы кытта көрсөн, доҕордоһон барбыта, арамааннаабыттара. Ол гынан баран эдэрдэр биир сылынан тапсыбакка арахсыбыттара. 2019 сыллаахха саас кыыс Фенербахче диэн волейбол кулуубун хамаандатын хапытаана Улаш Киягы кытта көсрүбүтэ.

Бэлиэтээһиннэр[уларыт | биики-тиэкиһи уларытыы]

  1. SARAY DIŞINDA DA BERABERLER.(тур.). Milliyet. Тургутулунна 2 Атырдьах ыйын 2014.

Сигэлэр[уларыт | биики-тиэкиһи уларытыы]

https://ru.wikipedia.org/w/index.php?title=%D0%9E%D0%B7%D0%B1%D0%B5%D1%80%D0%BA,_%D0%91%D1%83%D1%80%D0%B4%D0%B6%D1%83&stable=0#%D0%91%D0%B8%D0%BE%D0%B3%D1%80%D0%B0%D1%84%D0%B8%D1%8F

https://www.kinopoisk.ru/name/4174730/