Обулахов Николай Семенович

Бикипиэдьийэ диэн сиртэн ылыллыбыт

Обулахов Николай Семенович — үлэ, тыыл бэтэрээнэ, Үөһээ Бүлүү улууһун уонна Хоро нэһилиэгин Бочуоттаах гражданина, "Үлэ Кыһыл Знамята" орден кавалера, "Аҕа дойдуну көмүскүүр Улуу сэрии сылларыгар килбиэннэх үлэтин иһин" мэтээл кавалера.

1929 сыллаахха Үөһээ Бүлуу оройуонугар Хоро нэһилиэгэр төрөөбүтэ. Тыымпыга начальнай оскуоланы бүтэрэн баран, сэрии сылларыгар тулаайах буолан үөрэммэтэҕэ, колхозка үлэлииргэ күһэллибитэ. 1949-1950 сс. Намҥа МТС-ка үөрэнэн тракторист идэтин ылбыта.

Үлэтэ-хамнаһа[уларыт | биики-тиэкиһи уларытыы]

  • 1950 с. дойдутугар ХТЗ тракторы аҕалар. Онтон ыла 1982 с. диэри Максим Горькай аатынан колхозка, "Үөһээ Бүлүү" совхозка ХТЗ, НАТИТ, ДТ, МТЗ, Т-16 трактордартан илиитин араарбакка бааһына сирин оҥорууга, хортуоппуйу үүннэриигэ үлэлиир.
  • 1960 сылга оройуоҥҥа ыҥырыы таһааран 30 гектардаах сиргэ аан бастаан техниканан хортуоппуй олордуутун, көрүүтүн-харайыытын, хостооһунун саҕалаабыта.
  • 1960-1970 сылларга хортуоппуй сирин оҥорон 30-75 гааҕа тиэрдэр. 1970-1980 сылларга 75-100 гааҕа тиэрдэр.
  • 1982-1992 сылларга үрдүк үүнүү биригэдьииринэн үлэлиир. Хортуоппуй үүнүүтүн 1 гааттан 120-130 центнергэ тиэрдэ сылдьыбыта.
  • 1994 сыллаахха "Алаас" бааһынай хаһаайыстыбатын тэринэр.

Общественнай үлэтэ[уларыт | биики-тиэкиһи уларытыы]

  • Үөһээ Бүлүү оройуонун Хоро сельскэй Советыгар 8 төгүл депутатынан талыллан үлэлиир, Үөһээ Бүлүү оройуонунааҕы Советыгар хас да ыҥырыкка Хороттон депутат.
  • Саха АССР VII ыҥырыылаах Верховнай Советыгар 1967 с. Үөдүгэйдээҕи быыбардыыр уокуруктан депутат.
  • Партия уобаластааҕы Комитетын чилиэнэ.
  • 1999 сыллаахха республикаҕа аан бастаан ыытыллыбыт "Ытык Аҕа" конкурска кыттан СР Президенин иһинэн Дьиэ кэргэн уонна оҕо-аймах дьыалаларыгар комитетыттан Махтал сурук туппута.
  • 2002 сыллаахха Республикаҕа аан бастаан ыытыллыбыт "Сыл бастыҥ дьиэ кэргэнэ" конкурска кэргэнэ Тимофеева Варвара Дмитриевналыын кыттан 5 бастыҥ дьиэ кэргэн ахсааныгар киирэн Республикатааҕы "Бастыҥ дьиэ кэргэн" Бочуотун кинигэтигэр киллэриллибиттэрэ.

Ылыллыбыт сирэ[уларыт | биики-тиэкиһи уларытыы]

  • Олоҕун суола үтүө аата. Дьокуускай, 2005