Нохсоров Устин Гаврильевич

Бикипиэдьийэ диэн сиртэн ылыллыбыт
Устин Нохсоров

Устин Гаврильевич Нохсоров (27.05.1907—1951) — ырыаһыт, олоҥхоһут.

Олоҕун олуктара[уларыт | биики-тиэкиһи уларытыы]

1907 сыллаахха ыам ыйын 27 күнүгэр Амма улууһун Абаҕа нэһилиэгэр төрөөбүтэ.

1938 сыл сэтинньитигэр ВКП(б) чилиэниттэн таһаарбыттар, ол кэннэ сымыйа буруйдааһыҥҥа түбэһиннэрэн, хаайбыттар. «Буруйун» дакаастаабаккалар босхолообуттар. Ол эрээри, хаайыыттан күүскэ ыалдьан тахсыбыта. 1939 балаҕан ыйын 22 күнүгэр эрэ толору реабилитацияламмыта.

1940 сыллаахха Саха судаарыстыбаннай тыйаатырыгар «Ньургун Боотур» олоҥхоннон Суорун Омоллоон испэктээх туруорбута. Онно Нохсоороп режиссер ассистенын уонна артыыс быһыытынан көхтөөх кыттыыны ылбыта. Үрүҥ Уоланы оонньообута.

1951 сыллаахха өлбүтэ.

Олоҥхолоро[уларыт | биики-тиэкиһи уларытыы]

Кыра эрдэҕиттэн аатырбыт Амма олоҥхоһуттарын Т.В. Захаровы – Чээбийи уонна Г.З. Артемьевы истэн улааппыта. Кинилэр олоҥхолорун кэлин да астына толороро. Эдэр эрдэҕиттэн дьикти күүстээх күөмэйдээх ырыаһыт быһыытынан биллибитэ.

  • «Сылгы уола Дыырай бухатыыр»
  • «Хараҕын анныгар хаппар саҕа хара мэҥнээх хайаҕымсах Хаан Тойон уола өлбөт-сүппэт Yрүҥ Уолан бухатыыр»

Наҕараадалара уонна ытык ааттара[уларыт | биики-тиэкиһи уларытыы]

  • Саха АССР үтүөлээх артыыһа

Сигэлэр[уларыт | биики-тиэкиһи уларытыы]