Николаев Егор Михайлович

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Николаев Егор Михайлович, (1926 с. муус устар 4 күнэ - 2018 с. Күүкэй нэһилиэгэ, Сунтаар оройуона) Саха АССР РСФСР, САССР оскуолаларын үтүөлээх учуутала, Саха Өрөспүүбүлүкэтин норуотун үөрэҕириитин туйгуна, Сунтаар улууһун Бочуоттаах олохтооҕо.

Олоҕун олуктара[уларыт | биики-тиэкиһи уларытыы]

1926 с. муус устар 4 күнүгэр Сунтаар оройуонун Күүкэй нэһилиэгэр төрөөбүтэ[1]

1954 с. Дьокуускайдааҕы педагогическай институт саха тылын уонна литературатын салаатын үөрэнэн бүтэрбитэ. Учууталлыыр үлэтин сити сыл Сунтаардааҕы үлэлиир ыччат киэһээҥҥи оскуолатыгар дириэктэринэн саҕалаабыта. Онтон ыла 50-ча сыл устатыгар Егор Михайлович оройуон араас оскуолаларыгар үөрэх чааһын сэбиэдиссэйинэн, дириэктэринэн үрдүк таһаарыылаахтык үлэлээбит салайааччы. Элгээйи 8 кылаастаах оскуолатыгар саха фольклорун үөрэппитэ, тойукка, үҥкүү тылын этэргэ оҕолору уруок быһыытынан үөрэппитэ. Кини үөрэтэр ньыматын туттан , Кутана орто оскуолатыгар фольклор, тойук кылааһа эмиэ аһыллан үлэлиир буолбута. Төрөөбүт тылы, фольклору үөрэтиигэ Элгээйи бастакы сүһүөхтээх ааптарскай оскуолатын үлэтин уопута Саха Өрөспүүбүлүкэтин оскуолаларыгар холобур быһыытынан киэҥник тарҕатылынна. Егор Михайлович хас да методическай пособиелар ааптардара. Тойбохой интэринээт-оскуолатыгар дириэктэринэн кэккэ сылларга уһулуччу ситиһиилээхтик үлэлээбитэ.

Үүнэр ыччаты үөрэтиигэ, иитиигэ, саха норуотун уус-уран айымньытын пропагандалааһыҥҥа, тарҕатыыга уһулуччу үтүөлээх Николаев Е.М. РСФСР, САССР оскуолаларын үтүөлээх учууталын, норуот үөрэҕириитин туйгунун ааттара иҥэриллибитэ. Сунтаар улууһун Бочуоттаах олохтооҕо, «Саха-Азия» фондатын стипендиата, элбэх мэтээллэр, знактар хаһаайыннара. Биллиилээх норуот ырыаһыта, үҥкүү тылын этиитин сураҕырбыт маастара.[2][1][3]

Наҕараадалара уонна ытык ааттара[уларыт | биики-тиэкиһи уларытыы]

  • РСФСР оскуолаларын үтүөлээх учуутала.
  • Саха АССР оскуолаларын үтүөлээх учуутала.
  • Саха Өрөспүүбүлүкэтин норуотун үөрэҕириитин туйгуна.
  • Сунтаар улууһун Бочуоттаах олохтооҕо[3][1].

Сигэлэр[уларыт | биики-тиэкиһи уларытыы]

  1. 1,0 1,1 1,2 Педагогическая энциклопедия / М-во образования Респ. Саха (Якутия) ; [науч. ред.: Михайлова М. Г. д.п.н., проф ЯГУ, Петрова С. М. д.п.н., проф. ЯГУ ; сост. Иванова В. С.]. - Якутск, Т. 1. - 2000. - 323 с.
  2. Сунтаар улууһугар үөрэҕирии сайдыыта / [хомуйан оҥорон бэчээккэ бэлэмнээтилэр: И.Т.Назаров, Н.И.Алексеев ; эппиэттиир ред. М.И.Аввакумова]. – Дьокуускай : Бичик, 2009. – 272 с.
  3. 3,0 3,1 Кыайыыны, олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордулар: Н.Н.Спиридонов, А.К.Васильев; эп.эрэд: Т.Н.Иванова уо.д.а. – Дьокуускай : Чопчу, 2020. – 464с.