Никифоров Лука Григорьевич
Никифоров Лука Григорьевич, (1934 с. Элгээйи нэһилиэгэ Сунтаар оройуона Саха АССР – 2017 с) . Педагогическай наука кандидата, старшай учуутал, Саха Өрөспүүбүлүкэтин үөрэҕириитин үтүөлээх үлэһитэ, РСФСР норуотун үөрэҕириитин туйгуна.
Олоҕун олуктара[уларыт | биики-тиэкиһи уларытыы]
Сунтаар оройуонун Элгээйи нэһилиэгэр төрөөбүтэ.
Элгээйигэ орто оскуолатын бүтэрээт, Благовещенскай куоракка педагогическай институт физико-математическай факультетыгар киирбитэ, математик идэтин ылбыта. Уопсай педагогическай үлэтин ыстааһа 45 сыл, онтон директоры үөрэх чааһыгар солбуйааччынан 25 сыл, уоннааҕытын дириэктэринэн үлэлээбитэ.
Лука Григорьевич үрдүк квалификациялаах, дириҥ билиилээх, педагог-новатор. Оскуолаларга үөрэтии-иитии саҥаттан саҥа ньымаларын көрдөөн, олоххо киллэриигэ, үөрэтии процеһынан науканы кытары сибээстээһиҥҥэ элбэх үлэлэрдээх. Элгээйи орто оскуолата икки төгүллээн «Өрөспүүбүлүкэ бастыҥ оскуолата» аатын сүкпүтэ, биир төгүл «Сыл бастыҥ оскуолата» диэн Бүтүн Россиятааҕы көрүү-конкурс лауреатынан буолбута. Ол сылларга үөрэтии ноосфернай ньымаларыгар экспериментальнай площадка быһыытынан үлэлээбитэ.
Лука Григорьевич Дьокуускайга 1993 с. ЮНЕСКО аан дойдутааҕы конференциятыгар оскуола үлэтин туһунан дакылаат аахпыта. Оскуола Айылҕатын Түмэлэ бүтүн Россияҕа сураҕырар. Никифоров Л.Г. өрөспүүбүлүкэҕэ ыытыллыбыт үрдүк таһымнаах научнай, педагогическай конференцияларга уонча дакылааты үрдүк таһымҥа ааҕыталаабыт ааптар. 1995 с. түүр норуоттарын Конгреһыгар Москваҕа кыттыыны ылбыта, Саха норуотун Ансамблеятын бары түмсүүлэрин кыттыылааҕа, чилиэнэ.[1][2]
Наҕараадалара уонна ытык ааттара[уларыт | биики-тиэкиһи уларытыы]
- Саха Өрөспүүбүлүкэтин үөрэҕириитин үтүөлээх үлэһитэ.
- РСФСР норуотун үөрэҕириитин туйгуна.
- Педагогическай наука кандидата.
- Старшай учуутал.
- Методист-новатор.
- Сунтаар улууһун уонна Кутана нэһилиэгин Бочуоттаах олохтооҕо[3][2][1]
Сигэлэр[уларыт | биики-тиэкиһи уларытыы]
- ↑ 1,0 1,1 Педагогическая энциклопедия / М-во образования Респ. Саха (Якутия) ; [науч. ред.: Михайлова М. Г. д.п.н., проф ЯГУ, Петрова С. М. д.п.н., проф. ЯГУ ; сост. Иванова В. С.]. - Якутск, Т. 1. - 2000. - 323 с.
- ↑ 2,0 2,1 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.
- ↑ Сунтаар улууһугар үөрэҕирии сайдыыта / [хомуйан оҥорон бэчээккэ бэлэмнээтилэр: И.Т.Назаров, Н.И.Алексеев ; эппиэттиир ред. М.И.Аввакумова]. – Дьокуускай : Бичик, 2009. – 272 с.