Нестерова Люция Дмитриевна

Бикипиэдьийэ диэн сиртэн ылыллыбыт
Перейти к навигации Перейти к поиску

Нестерова Люция Дмитриевна (12.11.1944) — поэт, литературовед, тыл үөрэҕин билимнэрин кандидата.

Сунтаар улууһун Сунтаар сэлиэнньэтигэр 1944 сыллаахха төрөөбүт. 1970 сыллаахха СГУ-ну бүтэрбитэ. 1975-1978 сс. ССРС НА Хотугу Салаатыгар аспирантураҕа бүтэрбитэ. 1985 сыллаахха С.М. Киров аатынан Алма-Атаҕа баар Казахстан университетыгар "Жанровые особенности якутского героического эпоса олонхо" диэн тиэмэҕэ билим хандьыдаатын диссертациятын көмүскээбитэ. Ити сылтан ыла Гуманитарнай чинчийии Институтугар үлэлиир.

1980-1989 сс. "Памятники фольклора народов Сибири и Дальнего Востока" диэн серияны, 1993 с. "Кыыс Дэбилийэ" олоҥхону Новосибирскайга таһаарарга үлэлэспитэ. 1989 сылтан Былатыан Ойуунускай нэһилиэстибэтин чинчийэр литература уонна искусство салаатыгар үлэлиир. Кини быһаччы кыттыытынан П.А. Ойуунускай айымньыларын икки туома тахсыбыттара. 1995 с. "П.А, Ойунский -- директор Института ИЯЛИ в 1935-1938 годах" диэн отчуоту бэлэмнииргэ үлэлэспитэ.

1980-с сыллартан айар үлэнэн дьарыктанар. Кини айымньылара "Хотугу сулус" уонна "Чолбон" сурунаалларга бэчээттэммиттэрэ, Саха араадьыйатыгар ааҕыллыбыттара. 1990 сыллаахха "Ийэ дойдум" диэн аан бастакы хомуурунньуга тахсыбыта. 1992 сыллаахха "Көҥүл уота" диэн хоһооннорун уонна поэмаларын кинигэтэ күн сирин көрбүтэ.

"Писатели земли Олонхо: биобиблиографическай справочниктан" (2000) ылылынна.