Михайлов Иннокентий Николаевич
Михайлов Иннокентий Николаевич (1922 төр.) — Аҕа дойду Улуу сэриитин кыттыылааҕа.
1922 сыллаахха сэтинньи 24 күнүгэр Ньурба улууһун Хаҥалас нэһилиэгэр төрөөбүт.
1936—1942 сс. Үөһээ Бүлүү оройуонугар кыһыл көмүһү хостуур артыалга үлэлээбит.
Аҕа дойду сэриитигэр 1942 сыл бэс ыйын 22 күнүгэр ыҥырыллыбыт. Иркутскай тыатыгар байыаннай үөрэҕи ааспыт. 11-с аармыйа 695-с стрелковай полка састаабыгар Сталинград фронугар 1942 сыллаахха сэриилэспит. Ленинград фронугар 147-с СП кэккэтигэр сэриилэспит, Ленинград көмүскэлин кыттыылааҕа.
Хаҥас бүлгүнүгэр балаҕан ыйын 23 күнүгэр бааһырбыт. Биир ый устата Рыбинскай куоракка эмтэнэн баран Харьков туһаайыытыгар сэриилэспит. Бу сылдьан ойоҕостотон госпитальга киирбит. 1944 с. Войсковой тимир суоллааҕы аармыйаҕа сулууспалаабыт. Ленинград уобалаһыгар сэрии суолун суһал бириэмэҕэ оҥорон биэрэрбит диэн суруйар 1970 сыллаахха суруйбут ахтыытыгар.[1]
Сэрии кэнниттэн төрөөбүт дойдутугар Хаҥалас нэһилиэгэр «Кыһыл сухаһыт» (Красный пахарь) колхозка үлэлээбит.
Кыайыы 40 сылыгар Аҕа дойду сэриитин II истиэпэннээх уордьанынан (06.04.1985)[2], Сталинград көмүскэлин иһин, «Аҕа дойду Улуу сэриитигэр Германияны кыайыы иһин 1941-1945 сс.» уо. д. а. мэтээллэринэн наҕараадаламмыт.
Бүлүү куоратыгар олорор.
Быһаарыылар[уларыт | биики-тиэкиһи уларытыы]
- ↑ Г. И. Васильев. Сталинграды көмүскэспит буойуннар. — Дь.: Бичик, 2013. — 126 с. — ISBN 978-5-7696-3880-0
- ↑ Карточка награжденного в электронном банке документов «Подвиг Народа»
Сигэлэр[уларыт | биики-тиэкиһи уларытыы]
- Дьон алпаабытынан
- 1922 сыллаахха төрөөбүттэр
- Сэтинньи 24 күнүгэр төрөөбүттэр
- Хаҥалас нэһилиэгэр (Ньурба улууһа) төрөөбүттэр
- Аҕа дойду Улуу сэриитин кыттыылаахтара:Ньурба улууһа
- Сталинградтааҕы кыргыһыы кыттыылаахтара
- Аҕа дойду сэриитин II ст. уордьанын кавалердара
- «Аҕа дойду Улуу сэриитигэр Германияны кыайыы иһин 1941-1945 сс.» мэтээлинэн наҕараадаламмыттар
- «Сталинград көмүскэлин иһин» мэтээлинэн наҕараадаламмыттар