Мельников Павел Иванович

Мельников Павел Иванович (19.06.1908—21.07.1994) — Социалистическай Үлэ Геройа.

Олоҕун олуктара

• 1908 сыллаахха бэс ыйын 19 күнүгэр Санкт-Петербург куоракка рабочай дьиэ кэргэнигэр төрөөбүт. Нуучча.
• Эрдэ тулаайах хаалан, аймахтарыгар олорбут. 1916 сылтан оҕо дьиэлэригэр иитиллибит.
• 1924—1927 сс. — Ленинградтааҕы байыаннай муора училищетыгар уопсай куурустарга үөрэммит.
• 1927—1930 сс. — Ленинград заводтарыгар, «Красный выборжец» уонна «Красный треугольник», үлэлээбит.
• 1929 с. — ВКП(б) чилиэнэ.
• 1935 с. — Ленинградтааҕы горнай институт геолого-разведочнай факультетын бүтэрбит.
• 1935 с. — Красноярскай кыраай Игарка куоратыгар Главсевморпуть чинчийэр станциятыгар начальнигынан анаммыт.
• 1938 сыл алтынньытыттан — Москваҕа үлэлиир, ССРС билимнэрин Академиятын ирбэт тоҥҥо комитетын научнай үлэһитэ.
• 1939 с. — Дьокуускайга кэлбит.
• 1940 с. — Ирбэт тоҥу чинчийэр Институт экспедициятын начальнигынан анаммыт.
• 1941—1956 сс. — В. А. Обручев аатынан ССРС билимнэрин Академиятын ирбэт тоҥу чинчийэр Институтун Дьокуускайдааҕы научнай-чинчийэр мерзлотнай станциятын салайааччыта.
• 1956 сылтан — Дьокуускайдааҕы научнай-чинчийэр мерзлотнай станция базатыгар тэриллибит, ССРС билимнэрин Академиятын ирбэт тоҥу чинчийэр Институт Хотугу-Илин салаатын салайааччыта.
• 1960—1988 сс. — ССРС билимнэрин Академиятын Сибиирдээҕи салаатын ирбэт тоҥу чинчийэр Институт салайааччыта.
• 1964 с. — геолого-минералогическай билим доктора.
• 1965 с. — профессор.
• 1968 с. — ССРС билимнэрин Академиятын чилиэн-корреспондена.
• 1981 с. — ССРС билимнэрин Академиятын академига.
• Саха АССР Үрдүкү Сүбэтин депатута. ССКП Саха Сиринээҕи комитетын бюротун чилиэнэ.

ССРС Үрдүкү Сүбэтин Президиумун 1984 сыл муус устар 27 күнүнээҕи Ыйааҕынан Мельников Павел Ивановичка Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

• 1988 сылтан — Москваҕа олорбут, ССРС билимнэрин Академитын Сибиирдээҕи салаатын ирбэт тоҥ Институтун бочуоттаах директора буолар.
• 1990—1994 сс. — «Криосфера Земли» сурунаал тутаах редактора.
• 1994 сыллаахха от ыйын 21 күнүгэр өлбүт. Москва Троекуровскай кылабыысатыгар көмүллүбүт.

Дьиэ кэргэнэ уонна аймахтара

Уола — Владимир Петрович Мельников (1940 с. төр.), Россия бөдөҥ учуонайа, Институт криосферы Земли директора, Россия билимин Академиятын академига.

Наҕараадалара уонна ытык ааттара

• Кыһыл Сулус уордьан (1945)
• «За доблестный труд в Великой Отечественной войне 1941—1945» мэтээл (1946)
• «Бочуот Знага» уордьан (1947)
• «Үлэ Кыһыл Знамята» уордьан (1952)
• Саха АССР билимин үтүөлээх деятелэ (1952)
• «За трудовую доблесть» мэтээл (1953)
• «Бочуот Знага» уордьан (1957)
• РСФСР билимин уонна техникатын үтүөлээх деятелэ (1969)
• «Үлэ Кыһыл Знамята» уордьан (1975)
• Ленин уордьана (1978)
• Социалистическай Үлэ Геройа (1984)
• Ленин уордьана (1984)
• Норуоттар доҕордоһууларын уордьана (1988)

Аатын үйэтитии

• Учуонай аата Ирбэт тоҥу чинчийэр Институтка иҥэриллибитэ
• Дьокуускай куоракка бюст туруоруллубута

Өссө маны көр

Социалистическай Үлэ Геройдарын тиһигэ (Саха Сирэ)

Сигэлэр

• Владимир Пестерев. История Якутии в лицах. — Якутск: «Бичик», 2001.
• Герои страны:Мельников Павел Иванович
• П. И. Мельников — основатель академического мерзлотоведения в Якутии
• Мельников Павел Иванович// Энциклопедия ЯСИА