Маркова Анфиса Иннокентьевна

Маркова Анфиса Иннокентьевна, (1941 с. Күүкэй с. Сунтаар оройуона, Саха АССР – 2017 с.), Саха АССР үтүөлээх учуутала.

Олоҕун олуктара

Сунтаар оройуонун Күүкэй нэһилиэгэр төрөөбүтэ. Аҕата Иннокентий Иванович 1942 сыллаахха Москва оборонатыгар охтубута. Анфиса Сунтаар орто оскуолатын үөрэнэн бүтэрэн, «Оскуола-производство-үрдүк үөрэх» диэн девиһинэн салайтаран, икки сыл ыанньыксыттаабыта, онтон Саха государственнай университетыгар биолого-географическай факультекка үөрэнэ киирэн, биолог идэтин ылбыта. Сунтаар 1№-дээх орто оскуолатыгар үлэтин саҕалаабыта. 1992 сылтан Сунтаардааҕы политехничэскай лицей-интэринээккэ көһөрүллүбүтэ. 40-ча сыл учууталынан үлэлээбитин устатыгар Анфиса Иннокентьевна оройуоҥҥа биир уопуттаах, үрдүк квалификациялаах педагог быһыытынан киэҥник биллибитэ. Политехническай лицейи бүтэрбит оҕолор үрдүк уонна орто үөрэх заведениеларыгар киирэллэрэ, мэлдьи үрдүк – 92-95 быраһыаны ылаллара, ити оройуоҥҥа бастыҥ көрдөрүү буолар. Лицей кыһыл, үрүҥ көмүс медалистарын ахсаанынан оройуоҥҥа да, өрөспүүбүлүкэҕэ да тэҥнээҕэ суоҕа. Манна барытыгар педколлектив, ол иһигэр бастыҥ педагог Анфиса Иннокентьевна киллэрбит кылаата уһулуччу үрдүк.

Сүрүн үлэтин таһынан Маркова А.И. общественнай олоххо актыыбнайдык кыттара, олохтоох Сэбиэт дьокутаата этэ. ^[1]

Наҕараадалара уонна ытык ааттара

Саха АССР оскуолаларын үтүөлээх учуутала.
“Саха Өрөспүүбүлүкэтин учууталларын учуутала» бэлиэ.
Сорос пуондатын бириэмийэтин лауреата^[1]

Кини туһунан

Мазина И. Н., Ведущий биолог улуса. [об учителе биологии в Сунтарском политехническом лицее Анфисе Иннокентьевне Марковой] - : , //Сунтаар сонуннара. . - 1995. - Кулун тутар 11 күнэ-С. 2;

Степанова Р., Эппиэтинэстээхтик сыһыаннаһар. [Сунтаардааҕы политехническай лицей биологияҕа учуутала Маркова Анфиса Иннокентьевна кылаас салайааччытынан үлэлээбитэ 25 сыла] - : , //Сунтаар сонуннара. . - 1995. - Кулун тутар 11 күнэ-С. 2;

Тимофеева М., Ийэ барахсан бүөбэйинэн. [Сунтаардааҕы политехническай лицей биологияҕа учуутала Маркова Анфиса Иннокентьевна туһунан] - : , //Сунтаар сонуннара. . - 1995. - Кулун тутар 11 күнэ-С. 5;

Сигэлэр

↑ ^1,0 ^1,1 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020. – Х с.

[:0-1] 1,0 ^1,1 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020. – Х с.

[1]