Манас аэропорт

Бикипиэдьийэ диэн сиртэн ылыллыбыт
Перейти к навигации Перейти к поиску

Манас аэропорт

Норуоттар икки ардыларынааҕы кылаастаах Манас аэропорт(кырг. Манас эл аралык аба майданы; ИАТА:FRU,ИКАО:UCFM) - Киргизия киин куората Бишкек аэропорда. Куораттан хотугулуу-арҕаа хайысхаҕа, 23 км.тэйиччи Чуйскай уобаласка баар. Киргиис эпоһын сүрүн дьоруойа Манас аатынан, суруйааччы Чингиз Айтматов көҕүлээһининэн ааттаммыт.

Куораттан соҕуруу хайысхаҕа турбут эргэ аэропорду солбуйарга анаан тутуллубут. 1974 с.алтынньы ыйга, бастакы сөмөлүөт, РСФСР Миниистирдэрин Сэбиэтин бэрэссэдээтэлэ  Алексей Косыгины илдьэ кэлэн түспүтэ. Аэропорт бэйэтин бастакы Москва-Домодедово рейсин 1975 с.ыам ыйын 4 күнүгэр толорбута. 1991 с. Кыргыстан Сэбиэскэй Сойуустан арахсыбытыгар, аэропорт инфраструктуралара хааччыллыылара мөлтөөн, сөмөлүөт ахсаана аҕыйаабыта. 60 кэриҥэ сөмөлүөт, бөртөлүөттэн саҕалаан авиалайнерга диэри,  өрөмүөннэммэккэ үлэлээбэт турукка киирбиттэрэ. 2001 с. Америка Холбоһуктаах Штаттара уонна кинилэр кыттыгастара, Манас аэропортка байыаннай база тэрийэргэ Кыргыстан бырабыыталыстыбатыттан көҥүл ылан, коалиция сөмөлүөттэригэр анаан ангардары туппуттара, көтөр-түһэр полоса кытыыларынан парковка перроннарын уо.д.а. оҥорбуттара.

2001 с.муус устарга, ОАО «Международный аэропорт "Манас"» тэриллибит.

2007 с. аэропорт терминала саҥаттан бырайыактаммыт уонна реконструкцияламмыт.

"Манас" аэродром, (ИКАО классификациятынан)"4Е" кылаастаах, ханнык баҕарар тииптээх сөмөлүөттэри түһэриэн-көтүтүөн сөп. Перронун иэнэ 242000×2, 38 орто- уонна ыраах- айаҥҥа көтөр сөмөлүөттэри туруорар анал сирдэрдээх, икки телескопическай тырааптаах.

ОАО «Международный аэропорт "Манас"» хампаанньа 11 аэропорты салайан үлэлэтэр: 5 норуоттар икки ардыларынааҕы уонна 6 эрэгийиэннээҕи, ол иһигэр:

  • Норуоттар икки ардыларынааҕы Манас аэропорт(Бишкек).
  • Норуоттар икки ардыларынааҕы Баткен аэропорт.
  • Норуоттар икки ардыларынааҕы Каракол аэропорт.
  • Норуоттар икки ардыларынааҕы Ош.
  • Норуоттар икки ардыларынааҕы Иссык-Куль.
  • Джалал-Абад аэропорт.
  • Исфана аэропорт.
  • Казарман аэропорт.
  • Нарын аэропорт.
  • Талас аэропорт.
  • Караван аэропорт.