Ларионов Николай Иннокентьевич
Ларионов Николай Иннокентьевич (Кыыллаах) — Үөһээ Бүлүү улууһун суруналыыһа, кэпсээнньит.
1952 сыллаахха Өлүөхүмэ оройуонугар Кыыллаах нэһилиэгэр 10 оҕолоох дьиэ кэргэҥҥэ төрөөбүтэ. Ийэтэ Мавра Дмитриевна,аҕата Иннокентий Николаевич холкуоска, сопхуоска өр сылларга ыанньыксытынан, булчутунан таһаарыылаахтык үлэлээбиттэрэ.
Николай Иннокентьевич 1968 с. Кыыллаах аҕыс кылаастаах оскуолатын, онтон II Нөөрүктээйи орто оскуолатын үөрэнэн бүтэрбитэ. Советскай Армиҕа сулууспалаан кэлэн баран дойдутугар биир сыл кулууп дириэктэринэн үлэлээбитэ. Якутскайдааҕы тыа хаһаайыстыбатын орто сүһүөх кадрдарын бэлэмниир техникуму, Иркутскайдааҕы тыа хаһаайыстыбатын институтун бүтэрэн охотовед идэтин ылбыта.
Үөһээ Бүлүү улууһугар олохсуйан «Исидор Барахов» сопхуоска, кэлин «Сахабулт» тэрилтэҕэ охотоведынан пенсияҕа тахсыар диэри үлэлээбитэ. Сааһыран баран кыра кэпсээннэри суруйарга холонор. Төрөөбүт-үөскээбит дойдутун аатынан «Кыыллаах» диэн псевдонимынан айымньыларын олохтоох хаһыакка бэчээттэтэр.
 |
Бу ыстатыйаны тупсарарга?:
|