Кыттааччы:Устинова Ангелина Геннадьевна

Медицинскэй наука кандидата, доцент, Саха АССР уонна РСФСР үтүөлээх бырааһа Родион Алексеевич Петров.

Олоҕун олуктара

 Родион Алексеевич Петров тохсунньу ый 10 күнүгэр 1931 с. Мэҥэ-Хаҥалас I Наахара нэһилиэгэр төрөөбүтэ. Бииргэ төрөөбүттэр төрдүө этилэр эдьиийэ Никтина Татьяна Алексеевна, убайа Петров Виктор Алексеевич уонна быраата Петров Николай Алексеевич. Аҕата 1942 с. Ийэ дойдуну фашистскай халабырдьыттартан көмүскүүр уоттаах сэриигэ сураҕа суох сүппүт. Ийэтэ сэллик ыарыыттан өлбүтэ, онон Родион бииргэ төрөөбүттэрин кытта эрдэ тулаайах хаалбыттар, кинилэри таайдара Ылдьаа ииппит.
 1950 сыллаахха Дьокускайдааҕы фельдшерскай-акушерскай оскуоланы бүтэрэн баран, Мэҥэ-Хаҥаласка  тахсан, төрөөбүт нэһилиэгэр Наахараҕа фельдшеринэн үлэлээбитэ.
 1952 сыллаахха дьоҕурдаах, элбэҕи эрэннэрэр эдэр үлэһити Благовещенскайдааҕы государственнай медицинскэй институтка үөрэххэ ыыппыттара. Родион Петров бастакы курска үөрэнэн сылдьан СНО биология кружогар үлэлээн саҕалаабыт. Ол кружок руководителя профессор Кира Александровна Мещерская этэ.
 1958 сыллаахха институту туйгуннук бүтэрбит, талааннааҕын, кэскиллээҕин көрдөрбүт. Родион Алексеевиһы Москватааҕы 1кы медицинскэй институт терапия кафедратыгар ыыппыттара. Онно кини ССРС МНА корреспондент-чилиэнэ, медицинскэй наука доктора, профессор А.Г.Гукалян салалтатынан дьаныардаахтык үөрэммитэ, научнай-чинчийэр үлэни кытта ситиһилээхтик дьүөрэлээбитэ.
 1961 сыллаахха Родион Петров Саха Государственнай университетыгар асситенынан анаммыта. Икки сыл буолаат "Особенности лечения язвенной болезни в пожилом и старческом возрасте" диэн темаҕа кандидатскай диссертацияны ситиһилээхтик көмүскээбитэ. Нөҥүө сылыгар Р.А.Петров университетка терапия кафедратын тэрийбитэ уонна клиническай ординатураны аспыта.
 1964 сыллаахха Р.А.Петров аан бастаан терапия кафедратын арыйбыт. Кафедраны кытта тэннэ терапияҕа клиническай ординатураны аспыт. Ол онно Родион Петров салалтатынан отуттан тахса быраас бүтэрбитэ, олортон  алта дьоҕурдаах устудьуоннары университет кафедратыгар хаалларбыт. Терапия кафедратыгар араас научнай-чинчийэр үлэ ыытыллара. 60-с сыллардаахха Родион Алексеевич республика оройуоннарыгар аан бастаан медицинскэй экспедициялары тэрийтэлээбитэ. Онно атеросклероз, сүрэх ишемическай ыарыыта, гипертония нэһилиэнньэ ортотугар төһө тарҕаммытын үөрэтиигэ анаан чинчийиилэр ыытыллыбыттара.
 Р.А.Петров терапия араас проблемаларыгар 60-тан тахса научнай үлэни бэчээккэ таһаарбыта. Медицинскэй наука докторын ученай степенигар диссертациятын суруйан бүтэрбитэ, ол гынан баран, эмискэ улахан ыарыы булан, үлэтин көмүскээһиҥҥэ кыайан киллэрбэккэ хаалбыта. Кэмин өлбүтүн кэннэ бииргэ үлэлээбит дьоно "Ишемическая болезнь сердца и артериальная гипертония в Якутии " (1979 с.), "Сердечно-сосудистая патология в Якутии. Клинико-эпидемиологическое и морфометрическое исследование" (1982с.) - диэн монографияларын бэчээттэтэн таһаарбыттара.
 Родион Петров ученай степеннэрин, бочуоттаах ааттарын тас өттүттэн хас да мэдээллэринэн наҕараадаламмыта. Медицинскэй общественность кинини, өссө тыыннаах эрдэҕинэ, республикаҕа терапевтическай оскуоланы төрүттээччинэн биллиммитэ.

Дьиэ кэргэнэ

Кэргэнэ Смолина Таисия Максимовна - Национальнай Медицинскэй киин кардиолог бырааһа этэ.

Оҕолоро: улахан кыыһа Петрова Ирина Родионовна - университет медицинскэй факультетын бутэрбитэ, Москваҕа ординатураҕа үөрэммитэ. Билигин Саха сиринээҕи Национальный Медицинскэй киин - диагностыыр киинин директорынан үлэлиир. Уола Петров Алексей Родионович уонна кыра кыыһа Алена Родионовна.

Званиялара

"Заслуженный врач Якутской АССР" "Заслуженный врас РСФСР"

Мэдээллэрэ

"За доблестный труд в годы Великой Отечественной войны 1941-1945 гг." "За трудовую доблесть" "За доблестный труд"

Туһаныллыбыт литература

Дальневосточный медицинский журнал 3/2001. Учредитель и издатель журнала Дальневосточный государственный медицинский университет. Соучредители журнала: медицинский институт Якутского государственного университета им.М.К.Аммосова, Амурская государственная медицинская академия

Саха Сирэ хаһыат - 2001 с. олунньу ый