Куприянова Татьяна Семеновна
Куприянова Татьяна Семеновна — Норуот үөрэҕириитин туйгуна, “Дети Саха-Азия” стипендиата, Сунтаар улууһун, Элгээйи нэһилиэгин бочуоттаах олохтооҕо.
Олоҕун олуктара
[уларыт | биики-тиэкиһи уларытыы]1937 сыллаахха, от ыйын 2 күнүгэр төрөөбүтэ. Сиэйэ орто оскуолатын бүтэрэн, Элгээйи сопхуоһугар үлэлии хаалбыта. ЯГУ университетыгар кэтэхтэн үөрэнэн, 1966 сылтан үөрэтэр үлэтин Сиэйэ оскуолатыттан саҕалыыр, 1978-2003 сс. Элгээйи оскуолатыгар үлэлээбитэ.
Татьяна Семеновна – сайыҥҥы сынньалаҥ уонна үлэ лааҕырдарын тэрийээччилэртэн биирдэстэрэ. Биология кабинетын иһинэн элбэх көлүөнэ оҕолорун үүнээйилэри чинчийиигэ уһуйан учуонай үөрэхтээхтэри иитэлээн таһаартаабыта. Киһи олоҕун көмүс күһүнүгэр да тиийдэр, Татьяна Семеновна нэһилиэк, улуус, өрөспүүбүлүкэ уоспастыбыннай хамсааһыныттан туора турбакка сыралаах кылаатын киллэрдэ, чөл олох пропагандиһа, хас да кинигэ ааптара, Саха Өрөспүүбүлүкэтигэр “ЗОЖ лидерэ” (2011) 2006 сылтан “Сүүтүк” иистэнньэҥнэр, “Кулуһун” литературнай түмсүүлэрин салайааччыта, Элгээйи нэһилиэгин үс төгүлүн ыҥырыылаах депутаттар сэбиэттэрин депутата.