Иһинээҕитигэр көс

Ксенофонтов Федот Алексеевич

Бикипиэдьийэ диэн сиртэн ылыллыбыт

Ксенофонтов Федот Алексеевич - Докумуон (1933с.) — сэһэнньит, драматург, 1997 с. Саха Өрөспүүбүлүкэтин суруйааччыларын сойууһун чилиэнэ.

Олоҕун кэрчиктэрэ[уларыт | биики-тиэкиһи уларытыы]

1933 сыллаахха сэтинньи ый 14 күнүгэр Бүлүү улууһун Баппаҕаайы нэһилиэгэр Лөкөчөөҥҥө элбэх оҕолоох ыалга төрөөбүтэ. Аҕата Ксенофонтов Алексей Дмитриевич (Аманааскы) олоҥхоһут идэлээх киһи эбит. Ийэтэ Аана. Андреев аатынан холкуоска үлэлээбиттэр [1].

Сэттэ кылаас кэнниттэн тыа кулуубун сэбиэдиссэйинэн үлэлээбитэ. Аармыйаҕа сулууспалаан кэлэн баран төрөөбүт холкуоһугар биригэдьииринэн үлэлээбитэ. Комсомол Дьокуускай куораттааҕы комитетыгар инструкторынан, "Дьокуускай" совхозка комсомол комитетын босхоломмут секретарынан, лесхоз директорынан, гражданскай оборона штабын начальнигынан араас сылларга үлэлээбитэ.

Айымньылара[уларыт | биики-тиэкиһи уларытыы]

  • Сиэркилэ бытархайдара: Кэпсээннэр. - Дьокуускай, 1992
  • Киһи да күлэр ээ: Көрдөөх кэпсээннэр. - Дьокуускай, 1997
  • Быыс арыллар: (олоҥхо уонна саха остуоруйаларыттан сценарийдар). - Бүлүү: [и. с.], 2008. - 75 с.
  • Алгыс тылбын аныыбын, ахтан-санаан ааһаарыҥ... Норуот талааннааҕа Егор Сидорович Петров туһунан ахтыылар. Хомуйан оҥордулар: С. Т. Иванова, Г. Е. Сыромятникова; ред. Ф. А. Ксенофонтов. - Бүлүү: Бүлүү улууһун типографията, 2009. -74 с; хаарт.

Быһаарыылар[уларыт | биики-тиэкиһи уларытыы]

  1. А.А. Андреев 1895—1971, революционер, сэбиэскэй судаарыстыба диэйэтэлэ.