Котрус Карл Мартонович

Бикипиэдьийэ диэн сиртэн ылыллыбыт

Котрус Карл Мартонович (Михайлович) (1892-1956) — Саха сиригэр саа-саадах тутан сэбиэскэй былааһы олохтоспут киһи, омугунан венгр.

1892 сыллааххха Венгрия Ипольшаг диэн куоратыгар оробуочай дьиэ кэргэнигэр төрөөбүт, омугунан венгр.

1915 сыллаахха I Аан дойду сэриитин саҕана Галицияҕа сэриилэһэ сылдьан билиэҥҥэ түбэспит. Арҕаа Сибииргэ үлэлээбит. Өрөбөлүүссүйэ кэнниттэн Кыһыл аармыйаҕа суруттарбыт. 1918 сыллаахха А.С.Рыдзинскай холбоһуктаах омук этэрээтин кытта Саха сиригэр кэлбит. Кэлин Иркутскайга сулууспалаабыт. 1920 сылллаахха мадьяр 1-гы кавалерийскай полкатын састаабыттан араарыллан атын венгрдары кытта Саха сиринээҕи губвоенкомаат дьаһалыгар ыытыллыбыт, кэлэн Петропавловскайдааҕы этэрээт хамандыырынан анаммыт. 1922 сыл тохсунньутугар - ыам ыйыгар осаадаҕа олорор Амма солобуодатын көмүскүүр гарнизону салайбыт, Киллэм, Төхтүр кыргыһыыларын кыттыылааҕа. Дьокуускай батальонун аттаах разведка начаалынньыгынан сулууспалаабыт.

Сэрии бүппүтүн кэннэ Дьокуускай аттынааҕы хаһаайыстыбаларга механизатордаабыт.

Бойобуой өҥөлөрүн иһин Кыһыл Сулус уордьанынан наҕараадаламмыт. ВКП(б) чилиэнэ.

1956 сыллаахха өлбүт[1].

Быһаарыылар[уларыт | биики-тиэкиһи уларытыы]

  1. «Yakutia24/Якутия24» ситим-таһаарыы // Забытые имена. Герои и судьбы гражданской войны Архыыптаммыт 2019, Балаҕан ыйын 29 күнүгэр.